住民宿真係有樣好，迫你早睡早起。仲要幾熱瞓覺都唔駛開冷氣。可能係因為高山既關係啦！不過一日未熄燈，我都唔敢開窗，因為太多昆蟲飛入嚟啦！所以只好早d瞓啦！一開窗，涼晒！不過d嬋聲好勁，好在我有耳塞。
8點鐘就要起身食早餐，咁即係最遲7點3就要起身準備。早餐都好豐富，以我咁大食，都唔會食到一個早餐加兩個飽啦！
![]()
未食之前，我哋都行咗出屋外影吓相，唔睇d昆蟲，環境的確好靚。d樹好靚，好綠！環境真係令到人既心情都即刻開心晒！
食完早餐後，我哋就駒車離去啦！我哋第一站既行程係飛驒古川。不過自駕遊真係有樣好，見到好靚既景，就可以停底影吓相。我哋由民宿駕車返到山腳，就見到好靚既山川景。呢個位都謀殺咗我哋唔少菲林。同埋攪笑既相亦由此開始出現。哈哈哈哈！
離開呢度，車又向高山市出發，不過無再停係高山市，而係去飛驒市。大約多一個鐘頭既車程就到。我哋去既飛驒古川，當中有條瀨戶川，屋既門口係條溪，而溪上住滿咗鯉魚。其實好靚好清澈。不過唔知點解嗰感覺好似去咗杭州既清河坊附近。當然日本永遠都乾淨過大陸好幾十倍。
係呢條全名叫瀨戶川之白壁土藏街遊玩咗個幾鐘後，又係時間離開。我哋跟住去咗五箇山合掌屋。因為時間計可，我哋仲揀咗一個大d既去添！呢個叫相倉合掌造集落。合掌屋原來有幾百年歷史，用稻草建造，但同時亦有擋雪同埋保暖既用途。更加係世界遺產之一。
係度更加謀殺咗更多菲林，no 係memory先啱！咩都影一餐，對住d花又影、郵筒又影、我連滅火筒都影埋。不過抱住一生唔會再嚟，同埋的確係一個好舒服既大自然環境，狂影相，停耐d又值得既！我哋仲係度食埋嘢，買吓手信添！
離開咗相倉合掌屋，我哋就趕埋去白川鄉既合掌屋。原先呢個行程係聽日先做，不過今朝無落去高山既宮川朝市，咁樣都可以俾少少時間落嚟。而聽日既車程又唔駛咁迫。嚟到白川鄉，又係見到差唔多既屋同埋景色。不過感覺上相倉嗰邊好似靚d。但呢邊有一條街，所以屋多d lor。
過
咗橋入去，見到神社、亦有民宿，跟住就係一條土產街。賣既土產，其實幾個地方都差唔多，不過呢度好似感覺貴d。時間已經五點幾，所以天色亦開始暗，條街都
仲有人行，不過比較少。而去觀景台，居然要40分鐘，先頭perry
話唔行，但我話呢d地方唔會再嚟！所以都上咗去睇，實質以我哋既腳力，好快就到。同埋天色都未暗晒！影出嚟都好ok！我哋仲有晒腳架，可以影合照添！
好在我哋最後都有上到去姐！不過勁攪笑係 - 落嚟之後已經過咗6點鐘，所以舖頭已經關門。成條街又好似無晒人咁，十足十d 電影去咗唔知d咩鬼域，6點後有人狼啊，怪獸出嚟攻打人類咁！真係好特別。日出而作、日入而息既生活。
離開後，即刻駕車去book 咗既溫泉旅館啦！點知去到，佢話聯絡唔到我，所以cancel 咗！頂！去緊旅行，點聯絡你啊！好在，佢話有房，平2000円俾我哋，只係無咗嗰晚餐！不過今晚原先係食飛驒牛架！宜家無啦！無啦！
佢
仲話俾我哋聽，附近無嘢食架嗱！快d去邊到食啦，就close！所以又要坐車落去lu！間餐廳係一間溫泉既地方，食d
好普通既嘢都要成千幾円。好嬲啊！我嗰飛驒牛變咗天婦羅！不過都無辦法。食完就去返酒店攞房。好邪地，我同陳慧敏攞咗間普通房，而佢哋嗰間係超大。4個人
瞓都無問題，所以決定4個今晚一齊瞓。不過玩之前去浸溫泉先！
浸完，攪得嚟！過到去佢哋房，記得smap x smap 都就快做完。
今日係陳慧敏生日，係飛驒市已經買咗支蓬萊酒，預備同佢慶祝。亦係咁我哋係房影咗好耐相。笑話亦由此時開始！
一
開始飲都冇咩問題，不過要講，支酒味道真係好good。咁大支都係2100円，真係平！飲咗幾杯姐，我哋又set
腳架，又勁影相，唔知仲咩！好high咁！咩都玩一餐！第一次發覺carol 係癲lor！平時真係唔認識佢！我唸我哋玩咗兩個鐘，仲要玩到大家都有d
斷片！應該攪到接近1點鐘既時間瞓！
