第二日我哋一早起身，食過早餐之後，我哋要去攞車先。費時好似噚日咁浪費晒D時間搵景點。
一開始我哋去名古屋城。果然唔係一個好近既地方。好在攞咗車姐，唔係行死。名古屋城都係日本既歷史名城。要俾入場費。
![]()
首先圍繞咗城外行一圈， 而以前應該係護城河既地方， 宜家居然養咗d鹿係度，勁得意。入到去城入面，樓高七層。由最高既觀望台開始向下行起。當中包括有講日本歷史、點樣建呢座城堡、全座既模型、昆蟲標本等等。
睇完名古屋城， 準備攞車既時候，有個日本公公勁同我哋講嘢。已經話唔識講，但係佢仍然係度不停講。最後仲俾咗D相我哋，係名古屋城既風景照。日本人既態度真係親切。
離開名古屋城， 我哋亦離開名古屋，向高山市進發。高山市其實係名古屋既上面。不過揸車都要2個幾鐘。日本既GPS真係好勁，咩小路都可以搵得到，同埋set目的地既電話，就可以好快搵到，仲要成條路線都畫埋俾你，最勁係你miss咗都可以知道點樣幫你即刻搵返條路。
我哋2點幾去到高山市啦！當然要醫肚啦！睇住本旅遊書，見到有間五十年既拉麵叫桔梗屋，我哋唸住搵嚟食。不過去到發現無開門，午市後休息。所以就隨便搵咗間食拉麵既地方。我哋除咗食拉麵，仲叫咗呢頭好出名既飛驒牛。包括串燒同埋牛肉壽司。
![]()
食
完之後，我哋就過橋，去咗條大街。無意中發現咗宮川朝市， 不過午前就close，所以就睇唔到。見到呢個牌之後， 再行前，原來又到咗另一景點
﹣上三之町。呢條係高山既古街，又真係幾靚。一路行，兩邊都係賣土產或者食肆。我當然有唔見錢啦！首先我今哋入咗間賣酒既舖頭。我買咗支叫夢悠遊既清酒。
仲有一個嘔肚緊既鎖匙扣。之後去咗土產店，買咗飛驒公仔同埋飛驒Hello Ktty俾自己。當然都有買D嘢食派街坊。
睇完條街之後， 就過返一條紅色橋去返高山陣屋。高山陣屋都係一個景點。我唸係一個小部落，以前佢哋住既一排屋。我相信最接受唔到係離開屋入面，居然會見到一張楊貴妃掛畫。唐朝文化真係勁，入侵到咁入既日本境地。同埋咁入都係有文化既，起碼佢識欣賞。
離開高山陣屋已經係4點幾既事，去我哋住宿既地方要成個鐘頭車，所以又要駒車入去啦！本身我係好想book高山市，不過實在太full，平既旅館無晒，酒店就好似有，不過無特色啦！所以只好住到遠d。估唔到真係好遠。
我哋住既地方係屬於鈴蘭高原，足足個幾鐘先入到去，啱啱好係6點。而佢俾我哋去浸溫泉既地方，居然都要16公里外既地方，係高山市與下呂溫泉中間。呢d咁遠既地方，我相信呢世都好難再嚟！
去浸溫泉既地方，都幾多其他旅館既人一齊去架，所以算幾嘈。亦要自備毛巾。幸好有帶備姐。所以冇既carol 要攪一輪先可以入到嚟lor。唔知係唔係太多人既關係，d溫泉水都唔係好熱，我仲要坐近水位添！
浸完又要行返16公里外既旅館。雖然話係民宿，不過我哋4個人包咗咁，因為冇其他人。但係佢d房都其實好細。我哋放底咗嘢，就係大廳食嘢lu。有前菜、粟米湯、牛扒同埋藍苺雪糕。
食
完飯，我哋叫咗支啤酒，再飲咗carol買既米酒。好開心咁係度傾計。我哋由8點9，應該傾計傾到成11點幾，當然最精彩係carol
表現地圖蓋被，十足十干物女 -
綾瀨遙。哈哈哈哈！11點幾，其實都係俾老闆娘吹，我哋先上去瞓，不過我哋4個都係似瞓唔著，大家都攪咗好耐，先無晒聲。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
