去到名古屋，嗰站又真係幾大吓。要搵返我哋嗰出口真係唔易，只知係JR既另一面，但係看似好近既地方， 我哋足足用咗1個鐘既時間搵。仲要去錯咗酒店，去到check in 先知唔係，火羅爆！而我哋住既酒店的確係名古屋駛一分鐘既路程，只係同一開始出閘既地方隔開咗幾條路軌，就令到我哋攪咗一粒鐘。
(不停係呢個地標轉轉轉，第一眼睇真係幾型，轉多幾次都唔想望！)
點解今日咁黑架！
因為搵酒店遲咗， 而發覺花火大會要搭好耐車先可以去到lor，所以放棄咗！超失望，我呢個日本通都未試過暑假咁貴去，唸住仲可以睇埋花火會，著唔到浴衣，都可以感受吓氣氛啦！點知都係緣慳一面。
係
唔知去邊既情況吓， 我哋去咗名古屋既shopping地 - 榮。嗰日係星期六，D舖頭都未close。但唔知點解無咩人行，
攪到無咩心機睇添！我哋行到9點，所有舖頭同地下街都閘門。就搭返地鐵去名古屋站。係返酒店附近既地方食嘢。我哋決定豪D，
食餐燒肉先。雖然都係最平嗰隻，但都叫放題。連嘢飲都放題啊！短短個幾鐘都食咗幾多嘢，同埋飲咗唔少添！又啤酒、又清酒。食完嘢之後就返酒店瞓，預備聽日
既旅程。
