唔止呢幾日，其實上星期都好忙，忙到jac msn我，問星期六幾點！我仲回佢，「仲咩啊！我幾時有約你啊！」我哋完全冇講實幾時去paully 度啊！但係攞部電話睇吓，先發現原來係睇葉詠詩。仲要係我叫佢陪我睇，同埋叫佢mark 底！點知自己一d 印象都冇。
七點鐘我哋去到大會堂食嘢！入面間美心超貴，一個難食的粉都要40幾蚊。食完影吓相，就入場。雖然話睇葉詠詩同香港小交響樂團，但其實咪又係聽我最熟既電視歌！仲要老嗰隻！
一開場已經係d古裝劇，仲有無線提供好小量好小量既片段。但係彈都唔係彈晒成首，係耳熟能詳嗰part！完咗呢part 之後，朱凌凌幾個就出嚟，講完一輪，到令人好開心同埋回味既兒歌。有430穿梭機、忍者小靈精、藍精靈、小甜甜.....
完咗兒歌，開始d短既音樂，例如每日一字、六合彩、新聞、仲有體育世界。而文化廣場就成part 係度講嘢，其實有d 悶！到之後當然再一輪時裝劇既主題曲，但係包括講不出聲，unbelievable。
當然仲有港姐，同埋最後一定係歡樂今宵啦！而謝幕都行出嚟幾次，有d煩。不過朱凌凌連d 表演者都玩，就真係幾攪笑！so far 都係一個好好睇既節目。
睇完戲，居然jac話去飲嘢！最後仲去埋諾士佛台，真係估唔到。我哋入咗間餐廳，不過我哋食dessert，同埋佢兩個飲無酒精既飲品，但係好開心，好大聲係一個好靜既環境傾計。我相信咁既情況都好難先會再出現。真係想點隻此情此境嚟唱下。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
