呢個旅程除咗世博行，仲唸住係西湖睇日出，試吓用大機留住美景。不過去到上海杭州成日都一片白茫茫，再加上話今日天氣唔好，可能冇太陽出來添！係要搏一搏
既情況吓，同埋好想瞓覺之下，選擇咗放棄。不過無睇日出，都要去西湖晨運。所以5點4就起身，搭的士去咗噚日落車既地方，向相反方向行。
朝早冇下晝睇既白溕溕。不過都唔代表清，一片霧氣係湖升起咁！天色亦唔算光亮。但係感覺舒服，有朝早既清新。
一路行都有好多人晨運，所以未算好靜。不過見唔到一班人舞劍同埋耍太極。行到酒店附近既直街 -
平海路，我哋就返去酒店，都叫做行咗成個鐘。返酒店食完早餐，又等舅父嚟車我啦！佢車我哋去西湖既另一邊，呢邊係北山路。之前有報紙講好多舊別墅變為只供
會員享用既食肆，原來就係呢度！
我
哋首先去係平湖秋月，呢度望到西湖中間有個島咁 -
叫湖心亭，不過zoom埋去影都係唔清。跟住去平湖秋月間屋影張相。影完又上車去白堤，呢度有好多荷花，同埋遠處又望見個塔，不過呢個唔係雷峰塔，係咩？
我到而家都唔知。(check 返原來叫保俶塔，感覺唔似中式建築。)
行完呢度就無再行西湖啦！車咗我哋去靈隱寺。靈隱寺出面好靈！可能係咁入去都要俾錢，入場費係$35，真係貴到無論！
入去靈隱寺前，首先會去一線天，其實係一個山洞，應該望上去既隙縫可以見到有條線，望到天空。所以叫一線天。不過我望嚟望去都見唔到。又黑，快d行返出
嚟！出到嚟就行d好滑既路。本身d石頭都滑，再要落過雨，滑死！我都滑咗幾次，好在無跌底姐！要咁辛苦行，就係搵飛來峰。原來係山既牆壁或者山洞，雕刻咗
一d佛像。不過條路完全無指示，行上山，行行吓都無路。行咗半個鐘都搵唔到就走。係離開見到有幾個像係石壁就影吓啦！過返對面已經係亭啦！原來攪咗咁耐，
一開始由飛來洞出嚟見到既石像，同埋最後過河前既石像已經係飛來峰既景點，真係撞鬼！
跟住再要俾$30先入到去靈隱寺。嘩！即係拜神要俾75個大元，好貴啊！入面好多人係度拜神，我哋去主殿行咗一圈，再去咗五百羅漢堂。行完就走啦！
之後去咗龍井路度食嘢！龍井路無錯，應該去到尾就係踩茶既地方，咩茶好明顯 - 龍井lor！
食嘢間餐廳嗰樣好似好貴，但有d特價嘢，五條友都係食咗百幾蚊，底！食完就要去機場，中間去咗超市，因為要買金華火腿。買咗好大盒火腿，佢pack到好似一隻髀咁！咁多都係百幾蚊。我係上海南京路買百幾蚊只係買到好細舊！
去到機場俾想像中細，入咗閘，候機室咩都無嘢睇，連間小書店都冇，真係有d失望，因為我一個書城，甚至書店都無去過。五日既旅程就係咁樣完成！
