第四日，今日準備落去杭州玩。預先已經經由酒店代買車票。但撞正端午節既假期。所以買到11點8既車票。不過亦好，可以瞓晏些少。
差唔多一點落到杭州啦！因為有舅父同埋佢女婿既接送，唔駛搵酒店。仲要係酒店附近食完嘢就車我哋去觀光。我哋第一站去咗城隍閣。其實我唔知係咩嚟，只係見到一個高塔，係呢到因為夠高，可以望到西湖。咁樣既一個塔入場費都要位位$30，超貴！
![]()
入
到塔都叫有嗰講解員介紹，一開始望吓塔既牌面，估吓字！跟住帶我哋睇入面既d立體圖。例如介紹宋朝時既杭州，嗰條路即係而家邊條路，d泥公仔又介紹咗以前
民間生活！呢幅圖好大幅架！跟住又一幅係龍舟咁！又有一幅係同人比例一樣既民間生活圖。不過嗰d泥人，好似80年代產物，唔似而家既臘像咁！(意思即係吸
引力有限)
睇
完就去咗左邊既城隍廟，拜吓神，再出門口敲敲鐘。咁就介紹完晒！跟住我哋就自己搭lift上去城隍閣上面。無錯五層樓都有lift搭，唔駛行。架lift
仲要係呢個咁中式既塔入面。上到去好曬，太陽今日真係好猛烈。但天仍是白溕溕。所以影出既西湖都唔靚，完全感受唔到西湖之美。不過係度望一圈睇吓杭州都
ok既！
![]()
離
開城隍閣，我哋就去咗胡雪岩故居。胡雪岩係清末一個巨商，所以佢間屋真係靚到脾！首先有啦！大到無睇地圖唔知去咗邊。跟住d雕花最吸引我，每一個橫樑都居
然唔同花紋，駛唔駛咁誇。仲有就係清末時期，佢屋企居然有咁多西洋鐘、又有水晶燈、仲要有電話既物體，你話誇誇啊！行山去花園，點解又係咁大架！係
wor，記得仲有嗰地底密室用嚟藏錢。誇爆！離開呢度就去食飯。因為book 咗5點半，無錯係5點半，平日下午茶時間。
舅
父叫晒佢d仔女嚟，所以好大班人，仲有孫呢！第一次見到表哥嗰孫，超可愛！首先2歲幾，肥到連bb櫈都坐唔到，阿媽買既衫，已經預備3,4歲，不過一見到
佢已經知唔啱。佢而家有49斤，即係百幾磅，誇爆！所以好似已經要佢減肥。但係食飯既時間，佢真係好叻，同埋好食得。我哋起碼有十個大人。我哋食咗一個鐘
收手啦，佢仍食緊！佢又會問d餸係咩！例如有鴨湯、豆腐... 佢會記住，跟住佢會講話我要鴨湯，我要咩咩，超勁！同埋佢食嘢嗰樣真係好知味咁！
食完飯，就上咗舅父屋企一陣，跟住再帶我哋去清河坊。條街好多人，不過賣既嘢唔算好特別。建築物雖然由宋朝到而家，不過同其他既步行街都差唔多。日頭望可能好d，因為條街好黑，實在睇唔到嗰種古色同埋南宋御街既味道！
行
完，舅父就送我哋返酒店。不過嗰時只係9點鐘，咁早邊到得架！知道西湖附近有條酒吧街，當然要去吓啦！我哋搭的士去咗南山路。果然有coffee
shop同酒吧。我哋行出去西湖，夜晚望西湖唔清晰，不過舒服。我哋一路行行行，行咗一個鐘去到十景之一既柳浪聞鶯就出返南山路啦！
因為太攰，我哋搵咗間coffee shop 坐底飲嘢！飲完想搭的士走，不過冇，又搭咗三腳車離開，我好似每日都以佢為交通工具。
