第二日 - 上海之旅 (世博)

唔知係唔係太攰，原先唸住9點鐘入世博，但係起身都8點幾。所以係酒店附近搵嘢食，不過都好難搵，都無d街仔食吓陽春麵架！最後見到有KFC照去啦！但KFC都好唔同，因為係有粥同油條食架，你話係唔係特別？(但超難食！)

食完就入去啦！跟據之前報紙寫，想避開人群會選浦西入。我緊係傚法啦！搭地鐵去到浦西，由一號入口進入世博。一開始見到係日本產業館。但只係入面食嘢唔駛 排好耐，但係跟住行上去都要排隊，我緊係唔排啦！要排隊同要死無分別！所以我哋只係繼續向前行，同埋影吓d館既外場。向前行去到上海企業聯合館，中間通可 以直過，而上面不停噴d水氣，幾涼快吓架！但係呢d不知名既館都要排隊。繼續向前，我估唔到有可口可樂館，雖然唔算好特別(門外)，只係估唔到姐！

繼續行入去第一個館，係中國鐵路館。無人排隊可以直入估都估到入面有幾正啦！館門外有架和諧號，可以影吓相。入到去講吓唔同城市既車站，同埋某幾個大站既 模型，記得只係有廣州站。跟住另一層有餐廳，扮車廂，嗰窗仲要有d會移動既畫，扮行走，十足八十年代既產物。唯一特別係有架舊火車頭，但係我食飯嗰日都見 到啦！無特別，影都冇影就走咗！

跟住開始好攰咁，而前面嗰d館又好似唔吸引(船舶、航空...)。見到有架巴士就衝咗上去，坐吓同涼下冷氣都好啊！原來架車係去浦東嗰邊！巴士過隧道一出 就係A區。落車一衝，我哋就去至小人既朝鮮館啦！不過我係好想去架！入到去同報紙寫一樣，咁簡單，仲要有個思想塔扮平壤。不過都叫未見過既神秘角道。如果 唔係呢期同南韓關係咁僵硬，其實我都幾想去一次北韓。

去完朝鮮就行咗隔離既亞洲聯合館，包括馬爾代夫 - 同去旅遊展見到無分別、東帝汶 - 係入面玩音樂，望見無入、孟加拉 - 無嘢睇，有嘢食賣，所以勁臭，門口有買嘢，買咗一條$50既鍊，吉爾吉斯 - 完全唔記得入面有咩、塔吉克斯坦 - 好似入面有棵石頭樹，同埋出口都係有嘢賣，見到一條毛毛球頸鍊、蒙古館 - 有個蒙古包、木車、恐龍化石咁上下既嘢、最後應該有館介紹世博，介紹以前既世博同埋有今次既模型。行完呢埋垃圾，已經好攰，所以食嘢！食既都係垃圾，兩個 人食咗一舊水。

跟住就行咗去日本館，排要排3or4個鐘，門口影吓相算啦！跟住就見到韓國館。當然又係狂影一輪，再繼續向前行，沙特館，未見到龍尾，唔知排幾耐！再行印 度，尼泊爾等等...跟住我就上咗天橋，發現沙特館龍尾係好遠既天橋底，要五個鐘，撞鬼！上到天橋，見到中國館，沿天橋行去咗世博軸。雙腳又開始頂唔順， 見到天橋上有環保車，俾$10有位坐，好啊！一車去到C區尾，即係非洲館嗰邊。首先去咗阿根庭，入到去都冇嘢睇，又再証明唔駛排隊無嘢睇！跟住附近嗰埋埃 及、突尼斯都唔想入去，而南非就要排隊 - 放棄！之後就入咗非洲聯合館，入面應該有好多國家，係冇飯開嗰埋咩盧旺達、埃塞俄比亞、剛果...無嘢睇，但每個國家都冇嘢賣，仲要賣得幾貴。睇多幾個國 家，d嘢都一樣，已經唔想再行。

跟住去咗歐洲區嗰邊，意大利館，門口靚，要排三粒鐘。英國館，種子館，遠距離觀望，入去唔該三粒鐘，拜！所以全嗰歐洲館都係觀望，荷蘭、瑞士、法國、西班 牙.... 跟住好似停底去咗睇花車巡遊，不過好難頂吓！跟住再行返去歐洲館嗰頭，望到芬蘭、愛爾蘭... 係土耳其館隔離既餐廳飲咗杯好勁既咖啡，醒晒！繼續行行行，去俄羅斯館望吓，入面仍要排三粒鐘，跟住經過美國館 - 長龍一條。去到墨西哥、智利，智利唔駛排隊入。都係嗰句無咩特別嘢睇，出嚟有酒賣，不過唔識都係走吧！

跟住就行咗去加拿大館，唔駛點排半小時姐，即入。入到去都係得d電子屏幕，最特別嗰個咪用單車發力，你唔踩睇唔到條片。真係無特別，好普通科學館同太空館既嘢，唔覺得表現到未來城市。

離開加拿大就去到東歐嗰埋，去咗歐洲聯合館，有格魯吉亞、阿塞拜疆...行完都唔記得邊d有入。跟住應該入咗捷克館，普通望吓，最重要入咗買嘢既舖頭，睇吓d水晶。跟住入咗白俄羅斯，無嘢睇，拜拜！

好，再去返亞洲區。泰國館 - 勁多人。澳洲館 - 好直入唔駛係門口排。入去無耐，左手邊有d公仔，原來係介紹澳洲歷史，由英國監犯開始，到女性有投票權，最後係悉尼奧運。而頭頂仲有條雪梨大橋。跟住向前 行就無咩睇，大家等入場，原來有表演。果然去到見到有個台，有沙埋，跟住就有三個螢幕伸出，都係圍繞幾個小朋友講吓未來，跟住再有三個螢幕出嚟，完全覆蓋 咗嗰台，跟住又落咗三個螢幕，原來中間d嘢換咗，係悉尼市。前後換咗幾次，條片睇咗10分鐘啦！都真係幾正，係今日入咗咁多館以來最好既一個。

離開澳洲館，去咗附近既馬來西亞館，不過無嘢睇，只係買咗咖啡。再到印度尼西亞館，三層樓得過行字，無嘢睇，但我又跌錢，買咗條scarf。真係多嘢買。