星期五晚睇第一場五月天演唱會，好開心！之前問 Thomas 攞晒d歌，唸住溫書啦！點知都冇聽到，只係好努力咁排咗佢！
入到紅館，三面台，雖然有帳篷，不過估到嗰台唔算好大。我哋張飛雖然係A行，但就唔係第一。應該十三行左右！不過都幾正中。
到
開場，一開始係錄影片段，都係上一回DNA嗰d！但係變身做警察，所以一出嚟有警車同封鎖現場咁。一出嚟唱春天吶喊，全部人，無論係貴飛or山頂都企晒起
身。勁high！雖然對我嚟講，d歌名全部唔識，但係我當然跟隨起身同埋攞起我部相機狂影。不過陳慧敏要我小心，有水射出，不過紅館唔同台灣小巨蛋，d水
唔會令人濕晒，只係少少雨粉。
一
路睇我繼續一路影相，我都覺得影得好近，我似足坐前我三行嗰d記者！不過真係好high
好興奮。有時黑d，人同隻手應該要好定。但係你周圍既人都跳晒咁！塊地不知遙得幾緊要，所以張相又遙埋，跟住放棄一齊跳！到d射燈勁既位，先再舉機影相！
攪到好忙，間中要攞吓螢光棒。一陣又放底影相！都唔知隻手做得d咩！
![]()
一路睇，一路唱！雖然同舊年既演唱會都係以DNA為題材，但係唱既歌, 都唔同！而今次係多咗個變形金剛，嗰機械人真係好大，仲要有嗰車牌係中間。咁呢part真係俾嗰機械人搶咗鏡！
仲有就係有part 有管弦樂團，估唔到咁勁，不過坐係前面睇唔到整個場，留返星期日睇再睇真d ，呵呵呵！
去
到encore 嗰part，唱咗五首歌，當然有令人好high 既戀愛ing，同埋我最like
既突然好想你。不過去到尾嗰隻歌，就勁落紙碎，但係d紙碎多到成地都係，攪到幾驚，我即刻收埋d部相機，因為紙碎d塵真係好多。跟住到十一點五左右完結開
燈啦！當然五月天既歌迷係唔會離開，開晒燈都叫encore，終於出嚟再唱，首係係冠佑出嚟自己唱咗一首，跟住大家出嚟繼續唱，唱多成4首歌，所以十二點
先完場！第一場都咁激，如果睇最後嗰場都唔知點算！
![]()
睇完真係好攰，因為企足三個幾鐘！仲要不停舉機影相！不過返屋企睇相好開心！但係真係要聽熟d歌先得啦！
