今日雖然天氣唔好，但係都五月，算係今年最後一次行山，所以都照出發。不過我哋由原先7、8個人，攪到最後得3個。而由原先去西貢釣魚翁改為去咗東涌昂平棧道。
入到東涌，其實天色都有d黑，望向山係有一舊大黑雲。不過都唔理照去。雖然我試過由昂平行出嚟，不過一d印象都無，仲以為係村屋食肆嗰頭添！好在陳慧敏仲有d記憶，而我亦上網即刻睇，由侯王廟入，有d印象，於是跟指示入咗去！去到記得條樓梯，開始今日艱辛之旅。
![]()
一
路上樓梯，氣喘到想死，每五步要停一停，行咗4個字，好似行咗成粒鐘咁！唔止氣喘，心跳都好快，又勁口喝！不過今日雖然烏雲密佈，但係望向機場超清。咁多
次係東涌，無論踩單車，行山，次次都睇唔清嗰機場，今日就連最遠既博覽館都見到。不過相機控制有d 難，d
相唔算影得好好，覺得周圍好黑，下次都唔好太依賴嗰測光感應！
![]()
睇到晒機場同東涌，都仍係繼續行樓梯上山。上咗一個鐘，終於見到360係我頭頂。不過呢一刻真係好唔舒服，要坐底添！feel到自己好想嘔同埋心跳好勁！所以頭痛藥都要食定先！跟住又繼續行啦！
![]()
開心咗一段落樓梯既路，好快又要行樓梯上斜！不過都冇一開始係東涌咁甘！再加上又係停吓抖吓影吓相，所以都ok 既！行多咗一個鐘，就去到嗰條超斜既樓梯，今次唔係落所以好d，上樓梯係唔知佢斜。
行
完條斜樓梯之後，繼續一路行，不過已經超大霧，又見唔到有咩景。去到360既轉接位，影咗一陣相。跟住就落條好斜既石樓梯。不過行唔到幾耐，就落大雨，係
大雨同好大風，好辛苦先著到件雨褸。仲要開埋遮，呢一刻真係大雨得好緊要。咁啱呢度係山谷位，左手邊既山，仲要有好多地方用沙包防止山泥傾瀉，加上有d山
澗位，所以好驚，我唔想成為頭條人物，所以行得好急！估唔到無停低，勁行勁行，行多半個鐘見到條車路，原來已經到咗！我哋用咗3個鐘左右就完成晒！地圖寫
由東涌到昂平要行4粒鐘，估唔到我哋3個鐘完成咗！
![]()
因為繼續一路好大雨同大霧，所以咩都睇唔到！不過我哋都冇咩興趣，只係想係seven買嘢飲！飲完之後我哋就等車路大澳，因為我要買蝦膏。不過架車等咗好耐，去到我哋就搵地方食嘢，食完之後就去觀景台再睇一次飛機！
不過無上東涌咁靚！然後再行咗去少林同埋舊警署同碼頭既地方。跟住再買埋蝦膏就離開啦！
