五月一日沒有勞動節既興奮，因為難得既公眾假期又被安排星期六出現，蝕爆！
噚日一早打羽毛球，係呢個禮拜既第三次，真係難得。係夏天太熱不想外出既環境下，羽毛球將會係我未來既主要運動。要快d pick up 返先得，實在反應太慢，不過要打到好似以前咁都好難！事關唔走都會係我主要原因，唔想再傷啦！同埋的確腳痛屢有發生麻。
打完波今日無同佢哋食飯，返咗屋企做功課。不過唔食嘢既下晝真係特別眼瞓，所以瞓吓，做吓，攪攪吓又到6點要出門口！
遲咗出門，就遲咗到！好彩車厘無話，最後都快martine
一步，哈哈！食完晚飯就去睇吓已售罄既紀念品。跟住就入場。雖然位不是太前，不過都好正中。好在都係坐係硬坐姐！如果係啡色位，可能要全場企同埋被人阻影
唔到相。一開場車厘就勁叫啦！佢真係進入咗瘋狂狀態！一叫佢企佢就即刻彈起！勁！
![]()
睇演唱會都要溫書，好在d歌都叫識既！所以唔悶，加上快慢歌勁夾雜，好ok！不過我真係唔識欣賞佢既衫。唱愛不單行著既白色西裝，唔知點解攪到好肥咁！可能因為入面仲有黑色綳帶衫要跳舞，所以攪到咁！另一套白色衫，褲腳係一隻醒獅咁，唔知想點。
![]()
一套黑色西裝，後面既燕尾去到腳眼，攪到佢好似著裙咁！最難頂係掉咗件褸變咗背心，但後面係喱士通花，想點，好女人，好難頂！我最like都係最後佢著legging 加短褲。
而最正嘉賓係寶珠姐，變咗可以聽In your eye。跟住佢當然唱大家都識既雨愛啦！
![]()
最後完show前係唱撐腰，都未唱完，燈已開！最攪笑大家都唔走，當然車厘係唔會走啦！等咗一陣就出嚟lu，佢話唱多一首歌，就係當我們宅一起！的確第一晚係冇架！
唱完出嚟耳都鳴，因為我哋後面嗰班都好勁，佢都叫足全場！當然車厘都係，失聲就不在話下啦！
睇完都覺得好ok，最想煲返佢d慢歌！更令我期待係月尾睇五月天啦！不過如果寶珠姐開，我唸我都會睇！我早已被台灣侵佔！
