今日又約咗班行山友行山啦！今日無唸過勇闖險峰，只係唸住簡單路線過吓癮！我哋約十點係中環交易廣場到等，點知阿wing遲咗半個鐘嚟！跟住我哋搭6號車
去到黃泥涌峽落。當然又係行油站隔離條梯啦！我哋行金督馳馬徑係由黃泥涌峽沿山腰去到柏架山，全條路都係比較平坦。不過係柏架山嗰邊好易見到個口，但係呢
邊入真係未見過。所以我哋一路過咗黃泥涌水塘跟住再繼續上，點知睇到地圖，我哋似乎已經miss咗入口啦！我哋去到上次環島行既起點 - 港島徑。
就係咁我哋決定由呢度開始，雖然行呢條路一定唔會迷路，不過呢條路要勁上樓梯，跟住勁落樓梯，同原先想行嗰條有少少唔同，但都係過個兩個山。同埋今日都係好大霧，應該又係咩都睇唔到。
果然一路上樓梯，兩邊都係得霧氣，咩都睇唔到。去到山谷位，今次好d，可以望到右邊遠處原來係大潭上水塘，而左邊就係石礦場。
![]()
![]()
繼續行，當然都係大霧啦！同埋勁上石級都有d氣喘。不過都ok！但係咩住架大機就咩都影唔到。
今次行唔似上次比賽，咁多人吹你！同埋可以慢慢欣賞！所以今次發現到一個山洞，唔知係唔係以前避難呢！
![]()
![]()
再繼續行到畢拿山頂點！我哋停留咗一陣，當然係狂影相啦！跟住就開始落山，一級級樓梯咁行，好快就落返去大風坳啦！再係大風坳停咗一陣，就去康怡嗰邊落山！
未到康怡前會見到有一個個要井咁！d人係度種晒花，以前就係軍隊用嚟煮食！
![]()
![]()
