行山 - 獅子山

今日約咗carol 同celina行山，最特別就係cherry 都有參與。我哋約11點係黃大仙等，我唸人齊起行大約11點3、4左右。一出地鐵就要搵沙田坳道，搵到之後一路行上去，剩係行呢條坳道都幾甘，唔明點解條 路咁斜。行到去法藏寺都已經行得好辛苦咁！去到之後原來仲要行車路一段日子。行多一陣見到左邊有條樓梯，佢哋話應該上山。點知勁怪見到有兩班人係度打牌。 呢d先係真正既"竹"林深處人家，哈哈哈哈！亦係咁覺得呢條路唔係咁啱，所以問咗人之後折返。繼續沿車路上，但係見到車路有馬騮啊！超驚！不過連同後面五 個人，夠多人所以扮鎮定。
行多一陣就見有嗰亭，跟住就見到獅子山郊野公園條路。

雖然嗰牌寫住行1.8公里，好似好近，不過一嚟就不停上山啦！行咗唔係好耐，三個字左右，就有嗰好靚既位，望返黃大仙啦！不過唔知點解嗰山咁多電線。係唔係慈雲山發射站，供電視我哋睇呢！

繼續行，可能越來越高，所以好大霧啦！

一路一路咁行咗一個鐘上山，終於去到寫住獅子山既地方。不過周圍其實好大霧，咩都睇唔到，只係知道呢度高495米。

行過少少，有嗰位可以影吓相，不過我同cherry 都好驚行咁出，因為好似望唔見，隨時跌落山涯。影完相就要好辛苦咁落落上上，手腳並用咁行lu。

跟住就見到獅子頭啦！不過有牌寫住懸崖，所以都唔係好敢行出去。

離開呢度，又係一輪好險要既路咁行落山。真係攪到腳同手都好攰。落咗半個鐘左右，見到回歸紀念亭，不過得嗰形，因為維修緊。係呢個位會望到九龍塘嗰邊，突然間會唸，點解唔係沙田，行咗咁耐都係黃大仙去九龍塘。係呢度會再轉右，行去望夫石。

行咗唔夠二十分鐘，就會見到望夫石。係呢個位就係勁似咩住嗰仔咁。再行多十幾分鐘，就去到佢腳下。不過行近睇當然唔似。係呢度行返出去，都係好快，又唔算辛苦。最後出返去紅梅谷燒烤場。行咗成五個鐘，真係估都估唔到。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/

最後唔明點解有人係紅梅谷燒嘢食。跟住引咗好多馬騮係樹度行嚟行去！俾我，請我去，見到咁即走！