為咗環島行啊，每個星期都去吓行山先。今個星期約埋同事八個人去地質保護區 - 馬屎州。佢嗰名就真係有d難聽，不過都算係香港受保護既地區，証明一定有佢個人之處。
我哋約咗十二點係大埔火車站等，跟住搭小巴去到三門仔。落咗車就見到往馬屎州保護區個牌。一路行其實係入咗三門仔，呢度d屋好整齊，原來係政府因為建水塘將居民遷過嚟！
![]()
![]()
過咗d屋，就有個牌寫住上去馬屎州，一路行上山，其實好快就上到去。不過兩邊全係墳地。我咁驚既人，一路行都係望住地下，唔敢兩邊望。跟住有個Auntie叫我哋上去話呢度係嗰墳不過無埤，呢度望落去既景好靚
![]()
都真係好靚，所以我哋停低影相。仲影埋大合照添！跟住就繼續一路行，應該已經係山頂。不過兩邊仍然係好多墳。中間如果只係得草坡，我哋都會停低影吓相，因為兩邊都真係有不同風光。右邊會望見馬鞍山一帶，左邊就係望到三門仔同埋八仙嶺。
![]()
跟住繼續一路行，落埋山就係海邊，望見條路過去馬屎州，同埋開始有d怪石啦！
![]()
![]()
![]()
![]()
![]()
過咗嗰亭，就沿海岸線一路行，好快行到去私人土地，就係之前報紙都有講既墓園。睇過之前d相，原本呢度樹木茂盛，覺得而家變咗咁真係好慘。我哋繼續沿海岸線行。一路都會間中見到有牌寫住各式不同既岩石，就算係碎石都好特別。係咁行，行咗九個字左右就冇路。開始要爬石。
![]()
![]()
![]()
![]()
![]()
![]()
一開始爬都幾開心，不過爬行咗十分鐘，而船家亦講係要咁樣一路爬一路爬，唔會有其他路走，所以決定上船。
![]()
上船後我哋係去大尾督，對面就已經係，唔駛五分鐘就到。跟住今日行山嗰part就完成咗。嚟到大尾督，時間又尚早，緊係踩單車啦！不過都要醫肚先。
![]()
食完下午茶未到四點，我哋去租單車。 肥仔話要租架家庭車，我好支持，跟住就3架單車同埋一架家庭車上壩。係斜路嗰段都係堆。上到壩，好多人，我哋開始踩，但係勁多嘢飛嚟飛去。去到中間停底影一影相。不過影咗幾張，肥仔話頂唔順咁多嘢飛，話要走，所以等齊人就落返去。
![]()
![]()
我哋跟住就踩大尾督，主力都係肥仔踩，所以踩到最遠嗰間士多就頂唔順，停低。跟住我哋話換車嚟踩吓，個個踩嗰架家庭車都話辛苦。但係點都要試，就係咁，換咗車，我哋又踩上壩。係壩上影幾張日落相。
![]()
![]()
![]()
![]()
跟住又換人踩，又一個循環咁踩返去士多，再換人去返還車，每個人都試過踩家庭車。就係咁攪到6點幾，跟住搭車返去港鐵站。
不過一定要講句，估唔到今日天氣咁好，可以見到藍天白雲。而且望遠景亦好清楚，又唔算好凍，真係無揀錯時間行山。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
