元旦去完澳門，二號一早就約咗舊同事十點係鰂魚涌站等，行去栢架山。咁講即係我又突破，只係瞓咗五個鐘，又開始辛勞既活動。
今日非常大霧，上緊山望向鰂魚涌既大廈，都睇唔清one island east，佢嗰頂全係霧。再行望康山，都係咁。不過我哋今次行又冇話一定要睇好靚既景，最重要係行吓、練習吓。同埋行咗咁多山，暫時都覺得行西貢d景靚d。
一路繼續上山行，行咗一個鐘，就去到大風坳。
呢
度有幾條路，不過就有指明行去大潭篤水塘要幾耐。但係唔知點解，我哋神推鬼拱之下，行咗以為係啱既上山路。一路行一路行，完全無人行咁。而且越來越大霧，
行行吓都睇唔見前路。呢d時候又會勁講，前面唔知有咩等我哋啊，點解無路啊，點啊，行十幾年都捆係嗰山等等。點知行行吓真係發現分叉路，一邊就係有鐵絲網
圍住，雖然係咁都行上去睇清楚，不過就勁講話有班日軍係度操兵。行埋去睇，佢話有副射，我唸係d電壓站之類。跟住就行返另一條路。另一條路係上咗去一個好
似足球咁既燈塔物體，行完都唔知係咩！而左邊鐵欄望出去就全係霧氣，咩都睇唔到。不過聽到巴士聲。行咗嗰圈落返嚟，發覺又係頭先條分叉路，幾咁驚啊！
我哋跟住沿路落返去大風坳。再睇吓d介紹，發現原來左右兩個山頭都有嗰個足球型既物體，而右邊嗰個要行一條叫天梯上去。
跟
住再睇清指示去水塘係向下行，行個半鐘。於是我哋繼續行，其實由足球嗰山頂位去到水塘都係一個鐘，我哋就去到大潭上水塘。原來大潭有成幾個水塘，我一路以
為去大潭大壩嗰頭添！同埋大潭水塘呢度有條文物徑，沿路睇d水塘啊、宿舍、紀念碑等等。我哋當然冇行啦！我哋行返去陽明山莊就算啦！上到陽明山莊係兩點
鐘。我哋都行得幾慢啊，行咗成4個鐘，不過我哋成日都要停低影相。
![]()
![]()
![]()
![]()
![]()
![]()
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
