今日先得閒寫返1月1日做d咩。1月1日10點約咗係信德碼頭等，好明顯係去澳門啦！有飛去澳門睇黎明，仲有船飛真係超開心。不過要換金光飛航真係唔易，最快都要11點9。所以我哋去咗澳間茶餐廳食嘢！
去到澳門已經成點，又係食嘢既時候。當我知道Ivy同Rachel冇去過路環，而我又好想食路環間雅憩，所以我哋決定咗食咩。落船後，首先去咗威尼斯人換
咗飛先，呢樣緊要過食嘢。不過換飛都攪咗好耐，因為係威尼斯人行來行去好似迷咗路咁！跟住去換到演唱會飛又無船飛，因為d位坐靚咗，但係同事又唔記得另外
俾飛我哋，攪到冇船飛走。不過都嚟咗冇辨法。
我哋由威尼斯人搭的士去路環，跟住就去教堂前食嘢既地方。超多人，不過佢開咗係教堂前嗰位俾我哋，有位坐都好，不過d食物就上得慢d。但係超好味，最好味係乳豬。
![]()
![]()
![]()
![]()
![]()
![]()
食到鬼咁飽之後，只係行咗去隔離圖書館影張相。Ivy啱啱睇咗宮，所以好清楚點解要係門口張椅到影相。跟住我哋行出去，就買葡撻，佢哋未嚟過，一定未食過安德魯，所以飽都要食半個。
食飽晒，我哋又坐的士去咗新濠天地，入咗去賭場後，我出咗嚟行咗一陣，原來呢度有3間酒店，包括hard
rock，但係個商場冇嘢睇，得幾間舖，所以又入咗去賭場，咁樣令我係度睇吓，跟住好快兩舖就唔見咗一舊水。一齊離開之後，就去返對面既威尼斯人。我又係
行咗一陣先入賭場搵佢哋，點知今次仲衰，去到二百蚊枱睇睇吓，咁邪，十幾舖小當中得兩舖大。所以睇咗幾舖之後決定買，點知又輸。咁就冇咗三百。
![]()
![]()
![]()
![]()
![]()
![]()
因為我同Ivy都輸錢唔坐的士，坐免費車lu。我哋搭咗去金沙，跟住就行去大馬路，係民政總署嗰度有聖誕裝飾，都幾靚啊！
![]()
![]()
![]()
![]()
行去大三巴再影咗d合照，我哋就去買手信，但係無脆豬，所以又行返去手信街嗰邊，買完就坐巴士去返港澳碼頭，再搭免費車去返威尼斯人。
咁樣攪法我哋遲咗入場，去到8點8左右，香港就未開場姐，但係澳門就開咗，d職員話8點半開場！唱既歌，香港演唱會一定有，但總覺得少咗咁！因為唱到十點
半就完啦！都冇兩個鐘。佢又勁多金句講，佢唔講嘢唱多d歌會好d lor。嘉賓仍然係Janice
Man，而衛蘭就唱咗兩首歌。另外，嗰場本身好似博覽館嗰隔局，不過就細d。所以一路都要側住睇。
![]()
![]()
![]()
![]()
睇完之後，我哋又搭免費車去返港澳碼頭，買黃牛飛返香港，搭十一點半船，結束咗我哋既澳門之旅。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
