探險家攻略  >  美食之旅  >  酒吧  >  平安夜
0

平安夜

vi老篤日記 於 2009-12-27 15:36:02 發表  |  累積瀏覽 384

分類:酒吧

 平安夜

今年聖誕既節目真係full la!所以攪到而家先有時間update。

星期四24號係平安夜啦!下晝自己team食咗嗰X'Mas lunch。雖然間餐廳上嘢好慢,不過d嘢就好好味,我哋全程食到3點幾!大家都好開心!當然有抽吓獎啦!而肥仔就做咗大會攝影師!


食完我哋去咗唱k,原先只係有5個人去,啱啱好一架的士落去CEO。唱到5點鐘左右,Rachel 要Thomas走,跟住肥仔同wendy入嚟!不過唱咗一陣肥仔又要返公司做嘢!所以點都係得5個唱!亦係咁每人俾$70就可以唱咗3粒鐘k,超平!



唱完k我就落IFC睇福爾摩斯,當然仲有少少時間行一圈啦!
睇 戲坐係第二行,因為好遲先買飛,不過都ok,唔係睇得好辛苦!套戲好好睇,最重要就係無望過錶!劇情好緊湊!不過唔知點解福爾摩斯原來咁好打lor!同埋 咩都識,咁勁!不過炸唔死,仲要傷都唔傷嗰場就有d誇啦!另外,就係套戲有d位講嘢好快,好似最後係條斷橋,佢講返點解黑木伯爵無死嗰度,講得超快,字幕 都睇唔切!同埋好衰,我係度留意點解佢攞嘢時d指甲咁黑架!


睇完戲就隨便係ifc 食嘢!食完應該十一點左右,就上咗蘭桂坊,可能由soho嗰邊行嗰去,唔覺得好多人好迫。就算去到都真係比想像中少人。因為朋友有promotion,所 以去到某一間吧。不過係上樓既,發覺唔係咁旺!都唔多人!我哋坐係門口,佢俾咗佢嗰款酒既cocktail我飲!勁難飲啦!因為用橙汁溝!所以我飲咗3 啖!佢跟住又俾咗其他怪嘢我哋,都係用佢隻酒溝!最後試咗過雪糕,應該係用乾冰整,所以好凍!佢都要我哋食得小心,因為會凍親口。我都有試,不過原來係佢 隻酒都有橙味,不過咁特別試吓啦!試咗兩口,真係好凍,一開始無咩嘢!不過之後嗰口有d損咁!(之後嗰日直頭覺得係爛口。) 係好特別,不過以後都唔會試lor!坐到1點鐘就走,超眼瞓!








感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 208930

全部攻略 323

全部回應 5