因為要去維珍婚禮同埋唸住今次行大美督，所以行唔到做第一批11點3出發。我約咗perry 11點係深水埗地鐵站，跟住去九龍塘會合埋陳慧敏。我哋搭巴士去到沙田運動場。雖然已經有一班人出發咗，但係運動場仍然好多人。我哋攞完飲品之後，行咗去 頒獎台，見到頒緊d做形奬。望咗一陣再行去出口嗰邊等出發。
一路係咁行，平時覺得去到科學院係好快既事，但係今日行咗好耐先到，同埋行去科學院，冇落到隧道，入咗去科學院，再由個公園行返出海旁。係呢個時候，好似最多都係行咗4份1，但係已經有d想死！跟住就玩蒙眼，不過都係好短，幾分鐘姐！
一 路係吐魯港行，真係唔算好特別。但唯一好就係唔算好凍，冇咩海風！如果唔係死緊。好辛苦好辛苦去到大埔海濱公園，但係只係行咗一半路程 - 10公里。我哋入到去海濱公園，頂唔順都坐咗一陣。跟住先繼續行。行大埔海濱公園，最記得我哋後面有個憤怒青年，佢係度話政府駛唔駛係呢個公園入面整咁多 燈柱，同埋d燈駛唔駛咁光！我哋三個不約而同，都覺得係，兩步已經有一條燈柱，同埋d燈真係好光！如果唔係今日，相信平日夜晚係唔會有咁多人行。遊客亦唔 會有興趣嚟呢個回歸塔！
係海濱公園，我哋轉入大埔工業村，之後就行返出去入大美督條車路。係呢個時候，終於似返早兩年行既感覺，不過就唔 知點解大家都係覺得好q攰！係咁行行行，去到比華利山附近應該4點幾，已經見到有巴士出返嚟，有一批人已經行完，出返嚟啦！但係我哋仲有5公里，即係要行 多個幾鐘。好攰好攰咁行，行到差唔多d燒烤場，我哋又再一次要停底坐坐！
跟 住影吓相，到咗5點10，準備走啦！但Perry 話要影日出，日出時間係6點38分，即係仲要等多成粒鐘，先頭我都唔想，唸唸吓，富士山嗰個睇，冇理由香港嗰個唔睇吓！所以決定等。不過企係大壩等，真係 好鬼凍。全晚最凍就係呢個時候，如果企係石壆，食風食到嘔，真係凍入心。係呢刻我信大美督真係有10.6度。
一路係度等，其實日光未出，天空既顏色已經不停變！真係幾靚架！去到6點40分仲未見到個咸蛋王出嚟！再等多一陣冇出現我哋就走！行行吓回頭一望，原來d雲阻住，所以見唔到，只係啱啱係雲與雲中間見到光！跟住我哋就走啦！
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
累積瀏覽 229536
全部攻略 323
全部回應 5
