0

香港羽毛球公開賽 - 總決賽

vi老篤日記 於 2009-11-15 15:40:45 發表  |  累積瀏覽 498

分類:球類活動
今日又去伊館睇羽毛球比賽,今日係最後一場爭冠軍。寫一點開場,我緊係驚一點之後入去會唔俾我入啦!點知一點都未正式開始,只係有d啦啦隊、武術表演等。

第 一場應該差唔多點半先開始,係女單比賽,兩個都係中國隊,世界第一既王儀涵對同係中國隊既蔣燕皎。呢場唔算好激烈,因為王儀涵無論身形同埋實力都真係勝一 籌,所以兩盤就贏咗!跟住係混雙之戰,係波蘭對印尼。無論技術同埋世界排名,都係印尼隊勝,不過唔知點解開球無耐印尼隊就好似輸咗道氣咁,而波蘭就越戰越 勇,本身嗰男方冇咩技術可言,都唔明點解可以打得咁恨,攪到香港既球迷都好支持佢哋。最後佢哋就係直落兩盤贏咗,超開心!每一場完咗都會頒獎,頒獎時波蘭 隊仍然好高興!

完咗混雙,就到男單,雖然無咗林丹同埋陳金,甚至一個中國隊既代表都冇,但係仍然有 世界一哥既李宗偉,佢對住丹麥既五號種子,本身應該實力同埋耐力都唔夠,但係因為支線員話其中一球出界,佢就開始火嚟咁,跟住就收唔到火,所以不停殺殺 殺!李宗偉都好由佢,唔阻佢團火。不過最後洩氣啦,李宗偉就追返上嚟!當然最後一哥贏咗啦!

打完男單到女雙,兩隊都係中國隊,雖然以女仔嚟講真係覺得打得好勁,不過大家都坐咗係度4個幾鐘,真係有d攰同埋悶,而且佢哋實力差唔多,所以要鬥足三盤先有結果。我係呢一刻都頂唔順,要出去買d嘢食吓先得!

去 到差唔多6點,最後一場,同埋令人期待既男雙開始。最like既韓國李龍大出場啦!不過一嚟又唔知點解,洩晒氣咁!第一盤輸,到第二盤一開始又係輸,不過 香港既球迷又係好支持韓國隊,大家不停叫佢加油,攪到丹麥隊都有d火嚟!李龍大跟住越戰越勇,贏咗第二盤再打贏埋第三盤!好嘢!

因為都七點,好多人即刻走啦!無睇頒獎,不過我實睇埋先啦!仲行前咗幾行睇!但係影既相就唔係好近啦!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209316

全部攻略 323

全部回應 5