第二日我哋無係釜山行，反而去咗附近既慶州。去慶州，首先搭地鐵去到老圃洞呢個尾站，剩係搭地鐵都搭咗好耐。一出地鐵站就連住巴士買飛位，
![]()
睇到每十分鐘一班車。咁密... 所以就去咗搵食先。車站有兩層，地下係快食店啦！似食韓國街邊嘢！樓上算係餐館。我哋上咗樓上食，去咗間食雜錦石頭鍋飯既地方。雖然嗰時已經十一點幾，不過哽成個石頭鍋飯做早餐，實食唔晒啦！食完就買飛上車。
![]()
搭咗一個鐘就到慶州。落咗巴士，仲要搭巴士先到d景點。搭巴士沿途經過雁鴨池，呢嗰景點係拍過宮。而對面既新羅千年公園，我細佬話有時間都想去，因為而家做緊既善德女王都係係呢度拍。
不過我哋首站仍然係佛國寺，佛國寺有咩特別，就係世界遺產。
不過係中國任何一個寺廟都俾佢歷史悠久、同埋宏偉。不過話係睇秋天紅葉既好地區，點都要嚟吓！
去完佛國寺，我哋要搭的士去石窟庵。本身應該會有巴士上，不過要等成粒鐘，搭的士都好快姐！實質佛國寺係山腳，石窟庵就係山上，所以好快到！
![]()
去到當然又係要入場卷，跟住都要行一至二個字，跟住就見到嗰廟啦！上30級樓梯左右，但係太多人啦！要慢慢排隊入去。其實係有個石洞，入面有個佛像，又係唔知幾多百年歷史，不過我連敦煌石窟都去咗，當然覺得冇咩特別。睇完就行返條路出去lu。
![]()
出到去，都係搭的士走，去返之前佛國寺，因為呢度先有車出返慶州車站。不過因為都4點幾5點，有d餓，所以睇吓附近有冇嘢食，
最後都冇坐底食，只係買咗d紅豆餅。d餅係慶州特產，都幾好食。(後來有攞返公司食，大家都話好味。)
食咗幾個餅之後，等到有車，就搭車出返去，不過架車居然唔係行返嚟嗰條路，加上天色開始黑啦！所以我哋最後都冇去到新羅千年公園，直搭巴士去返巴士總站，再搭一個鐘車回釜山。(後來返嚟就超後悔無去到嗰公園，因為佢亦係尹志厚(花澤類)既屋企，唉唉唉！)
去返釜山，我哋就去咗南圃洞嗰邊，呢度應該可以算係釜山既明洞。成條街都係d年青人服飾，eg: nike, adidas, face shop etc.
![]()
一路咁行，亦見到代表釜山國際電影節既掌印，衰過星光大道。 周圍係街邊檔，跟住地下有嗰幾個掌印。最突別呢嗰area
同埋d檔都係寫住PIFF，即係Pusan International Film
Festival。不過咁街市，真係肉啦！出咗呢個area向海方面行，就係釜山另一景點，扎嗄其市場。係呢度其實係一個魚市場(街市)，仲有一排食肆，
都係只食海鮮。我哋都係呢度解決我哋既晚飯。
![]()
你睇吓洋蔥煮鰻魚，食到尾，就將d飯放上去煮，都幾好味。
食完行返去嗰PIFF，行多咗一陣街我哋就返酒店。不過酒店附近都有24小時超市，所以入咗去掃貨，買晒d食嘢手信啊，自己要既嘢食啊！最後居然買咗成五百蚊港紙，仲要用一個旅行袋先入得晒lor。
好無聊之下影既，全部都係啤酒，不過兩邊唔同代言人。一邊係big bang，一邊係李民鎬加2NE1既Sandara Park。
![]()
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
