下晝一點鐘去到機
場，check in
就入閘，最記得今次係8號閘上機，應該未試過。因為佢嗰位係免稅店下面嗰層，應該未試去過。今次仲要坐shuttle過去，不過架車都行咗幾耐吓先到。坐
嗰架係細機，一行六個位，左三右三。全程仲要冇得聽歌同睇戲。仲要食傳統難食既飛機餐，真係有d隔硬哽。
![]()
出到機場去到釜山都7點幾啦！天已經黑啦！搭巴士出去酒店。放底行李唸住食出去食嘢，講緊都係9點左右。但係兩間百貨公司都準備關門，跟住附近又無其他嘢食，真係撞鬼，所以唯有搭地鐵去第二到食啦！
![]()
我
哋最後去咗中洞，其實都係海雲臺地區，見到有間韓牛燒肉店同埋一間24小時既超市。行咗入去超市發覺冇嘢食，唯有去間牛肉店。食韓牛係會俾食美國牛貴。佢
仲要好似超市咁，揀咗牛肉之後，跟住入去餐廳燒。雖然貴咗d，但係韓式燒烤真係好好味，再要用生菜蒜頭，而家唸起都想再食。
![]()
![]()
食完我哋就一路向返海雲臺沙灘嗰邊行。當然唔係識路，只係記住地鐵嚟既方向，所以係咁行。中間仲經過旅遊書所寫既年青人商場啦，同埋海雲臺市場街。
![]()
無耐就見到我哋原先想住既Paradise Hotel，跟住行出去就係海灘啦！嗰海灘真係幾大，如果好似套戲咁坐滿人都幾驚！
![]()
![]()
跟住我哋就一路行去河知雲同埋薜景求間舖嗰頭啦！咁樣行都幾攰架，去到望見，仲有一個好靚既魚市場街市。
![]()
係呢度都見到有海雲臺既海報！
行完去舖頭即係沙灘既盡頭，我哋又行返去中間即係Paradise Hotel，但係我哋又繼續行，去到差唔多水族館附近我哋就出返大街，跟住搭的士走lu。
