星期一晚十點鐘就要去到香港國際機場度Check
in。有成三團旅行社同我哋同一架機，所以全機香港人居多。1點幾架機就飛，但係今次唔知點解瞓唔著，所以煲咗套電影。返咗一日工，有冇瞓過，勁殘樣咁開
始第一日旅程。搭零晨機係羽田落，原來羽田咁細，好似同時間只可以sevice一架機咁。亦係咁唔似成田等成粒鐘先出到嚟！好快唔駛7點就出到嚟，因為巴
士要等到8點3，所以我哋搭JR。去到酒店放底行李都係8點幾。太早咩都未開，剩係係新宿搵嘢食都唔易。所以只係求祈搵咗間咖啡店食嘢！食完我同阿心就分
道揚鑣，佢留係新宿我就去代官山。
搭山手線去到涉谷，跟住就坐巴士上去代官山。去到d舖頭都係啱啱開，一路行覺得代官山d舖頭無以前咁正。首先有一部份香港都有shop。其次就係無咩特別嘢，最特別咪係有好多for媽咪既舖頭。睇完代官山，唔想好似平日咁直落惠比壽，所以向右轉落目黑，
![]()
不過第一次行去自然行多咗好多往路，不過最後都搵到。但係舖頭賣既嘢唔算好特別，所以都冇買到嘢。離開中目黑，就行返去惠比壽，由於肚餓就食咗個麵。
跟住我又落咗去丸之內，原來而家有兩楝丸之內大樓，我先頭都唔知，入咗去就嗰間，仲覺得點解同以前咁唔同，到離開出去先見到以前去嗰間。不過我冇入啦，時間太趕，我只係係條街到行吓，同埋入去睇某幾間舖頭就算。
![]()
係東京站搭車落去新橋過台場會合返阿心，不過我哋約咗係台場高達展裏面等，
![]()
![]()
點知入面超多人，所以搵唔到大家，互相既電話又聯絡唔到。最後唯有離開啦！到我行去富士電視台，再打多次先搵到，約係富士Shop等。
去到富士Shop，原本唸住買Buzzer Beat 既鎖匙扣，點知又冇，Change電話繩又無，只係得Last Friend隻杯，但係事隔一年已經無興趣買啦！
![]()
離開富士電視台，我哋就去汐留，
![]()
去到日本電視台又係冇咩嘢睇，跟住就係度搭地鐵去六本木山。去六本山當然都係去電視台啦！今次係朝日電視台。阿心最開心有阿剛套戲既服飾同埋布景。
![]()
影完相，我哋就搭巴士落去東京鐵搭，點知架巴士要好耐先有，所以都係搭地鐵。我唔記得自己有冇去過，不過自遊行一定冇，咁近睇都幾靚，
![]()
玩咗一日勁攰，所以無再周圍行，係鐵搭入面食咖喱，食完就返酒店啦！
![]()
![]()
![]()
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
