今日星期五放工去睇黎明第二場既演唱會。好耐都無去睇過黎明啦!上次four in one無睇,所以應該係繼06年Crazy Classic
之後再睇黎明唱歌!今次應該唱返佢自己d歌啦,相信仲要係舊嗰隻,所以我今次買左$480飛,但係都坐到鬼咁後,佢嗰台又細,前面坐多左幾多人啊!
8
點8開場,一嚟就100樣可能,火舞艷陽同埋I love you
ok。一路係咁唱,停底講嘢,就讚今日嚟睇佢concert既曾蔭權。都讚得幾鬼刻意,好over!同埋不失佢爛gag王本色。跟住又一輪唱出佢既歌!係
仲要係舊歌,不過問心係隻隻識唱,但係啲歌名真係唔係好記得!(不過唔緊要d報紙實會出返晒d rundown.)
今次佢主題係drema wedding,有一part 係佢一路唱歌,後面電視就播人哋d結婚相都幾溫馨。同埋好似有一part d dancer 都著d白色紗既衫,都有d wedding feel. 不過我覺得始終同主題差好遠,除非最後一場佢講佢結婚啦!
另
外有兩parts我都記得好清楚,首先就係佢同阿mark講緊做大城小事既音樂,其中一part係李娜英飲茶同食小籠包嗰part,隻音樂做咗七次,跟住
Paco聽咗覺得好聽,話copy咗出嚟,變為小城大事,俾咗楊千嬅,但係阿mark最後講,最叻唔係Paco,係黎明,因為唔止首歌連嗰人都攞埋過嚟!
第
二就係黎明既新寵出場,前兩日都出咗成版報紙,今日仲搵佢做埋嘉賓,係演唱會出現及表現添!不過我想話佢有得出現我都唔覺得特別,最重要係佢出嚟唱歌,佢
首歌係wonder girl 既nobody,加埋佢d手勢都好鬼似。(不過今日睇報紙話係雷頌德作俾佢既新歌叫Man,真係有抄歌之嫌。)
最
後整個演唱會無encore
部份,佢唱到10點9左右完場。我同我嗰frd一早都估到佢唱兩粒鐘就完啦!亦係咁,我先會係公司做到7點先走,無預過睇之前去食嘢。所以完場我哋去咗唱
k,自己做黎明唱番佢既舊歌,當然除咗黎明既歌,呢期我都好想唱吓陳慧琳既歌,靚媽咪日日見報,加上佢完全都唔駛收身,真係好快可以出返嚟唱,超期待佢既
新歌!
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/