今日一朝早就坐車上山,去海拔二千幾米既巴里坤大草園。坐車上去都要成個半鐘,去到好涼,要著返件厚褸。去到行入草園見到好多似蒙古包既屋,跟住係一片大草園。
行到去一個白石頭同埋情侶雕像就停底。影吓相之後,去返蒙古包入面飲奶茶。嗰d蒙古包,其實係哈薩克族既包,佢哋嗰窗係屋頂,但係蒙古包既窗係喺側邊。飲嗰杯既奶茶,唔係我哋平日嗰d,唔係紅茶,係當地既茶,仲要係鹹既奶茶,所以好多團友都唔飲。
Carmen對呢度好有興趣,原來啲屋可以租,每一間可以住十個,$260一晚,我就一d興趣都冇啦!
離
開又要坐返個半鐘落山食午飯。食完飯就開始長長既車程。今日又話要坐六個鐘。最後都應該坐咗六個幾鐘去到火熖山。今日唔知點解落雨,呢度一年都見唔到三日
落雨,但今年就第三次。因為落雨矇,所以睇唔見紅紅既火熖山。去到火熖山有支溫度計,見到得28度,我唸都算係勁涼啦!
因為最少都應該見到40幾度。唔駛借鐵扇公主把扇用啦!