今日第六日行程去莫高窟，又係一早6點半要起身。食完早餐就出發去莫高窟，今日太陽又係勁曬。去到莫高窟，我哋只可以係門口影相。因為入到去，係唔可以影相，因為會破壞壁畫既顏色。
![]()
![]()
我哋入場後，由當地導遊介紹。首先帶我哋去最出名既城樓，原來入面係一坐三十幾米高既佛像。真係估唔到。跟住就帶我哋參觀其他石室。每一個石室都要開鎖先入得，亦唔係嗰嗰都可以入去。今年限開邊幾個，就係嗰幾個揀俾你睇。
我哋睇咗259、249、244、96、328、329、46、231、16同17號石窟。我要寫出嚟係我驚第日唔記得，同埋我都想check吓睇咗d咩，聽國語既能力真係好弱。
睇完石窟，又到食飯時間，今日好d都11點幾。食完之後，係好艱苦既車程，寫都要6個鐘，應該要7個幾鐘先得啦！
今
日車程由敦煌到新疆哈密。之前導遊都有講今日車程無厠所，要係戈壁沙漠度解決。估唔到連條路都咁差。條路勁唔平，所以一路行都勁「登」，攪到完全都瞓唔到
覺。連個頭都唔可以挨住張椅，真係勁搖架！行咗３個鐘之後d路就好少少la。差唔多落車前，導遊小姐送我哋每人一隻駱駝，同埋唱咗首歌俾我哋聽。因為去到
新疆要換第二個導遊。不過呢個導遊真係好好，跟得好足，樣樣都takecare晒！
坐度差唔多７點，去到酒店食飯。所以今日好早就返到酒店休息。不過呢度有得上網，但仍然係上唔到yahoo，不過都繼續係煲劇啦！所以攪到我又點幾先瞓lu。
後記：我哋嗰團友好好，本身得佢一個記底晒入去石窟既no，佢之後share 咗d no俾我哋，點知走嗰刻係仲係書搵埋嗰d石窟係咩年代，抄咗每人一張紙俾我哋。
96初唐 北大像，231中唐，244 隋，249 西魏，259 北魏，46 盛唐，16,17 晚唐 藏經洞，328,329 初唐
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
