係呢度城樓我以為會見到萬里長城，點知唔係，佢真係一個城樓，以前匈奴人打入嚟，要過咗呢個關口先可以入中原。佢由三座城樓組成，由選址到城樓、風火台、城牆等設計都係唸過晒。真係服咗以前d人，點解唸嘢可以咁周到。同埋以前既建築，真係可以飽歷風霜。
![]()
係呢度行超熱，不過遠處望見好靚既雪山，祈連山脈。呢個山脈伴隨咗我哋好幾日既車程，差唔多日日都見到。
行完晒d城樓，我哋就搭返架環保車去睇城樓博物館。呢度解釋咗城樓既設計，再加上導遊既講解明白咗好多。
遊完嘉峪關，居然車我哋去食午飯，嗰時係十點幾，超早，大家都話咁早食，早餐都未落格。但係真係嚟餸，嗰個都食得到有餘，真係大食。食到11點9我哋就上車。跟住就坐成4個幾鐘頭車去嗚沙山同月牙泉。原來嗚沙山同月牙泉係埋一齊。
![]()
我哋一落車，就係附近既灘檔著防沙鞋套，跟住就行入去。
去到正門，就見到好靚既山丘。
![]()
跟住右邊有好多好多駱駝。不過d駱駝好細隻。我哋就騎駱駝去到月牙泉附近。不過前後講緊係五分鐘內既路程。超短！不過一行係五隻駱駝，所以都好有嗰d商旅feel。
![]()
去到另一邊，我哋先玩滑沙。不過望上去都幾高。Carmen第一個話唔玩，好彩都仲有d團友話去，跟住我就行上條樓梯。條滑沙路有十米長啦、又
斜wor，所以行上去都幾甘。行完上去又氣喘、心跳都快咗好多。等咗一陣嗰工作人員先上到嚟。我無做第一個，其中一個男團友行先。真係滑滑吓會反。跟住嗰
工作人員話佢周圍旭。所以我死都唔旭，果然好順利咁落到底。都幾好玩。不過好快玩完，行上去又辛苦。玩完就過去月牙泉。係滑沙度望落去最靚，不過無攞相機
上去，係亭嗰邊望都睇唔到嗰泉係月亮形。
![]()
我哋影咗幾張相之後就要集合啦。又騎駱駝出去。
離開呢度，我哋出返敦煌，去返酒店食晚飯，食完導遊再帶我哋去沙洲夜市。呢度俾之前一晩富東大好多。買吓特產、紀念品、同埋好似夜市有嘢食lor。我哋同其他團友行咗一圈跟住走。當然carmen就買咗好多嘢食，咩無花果乾之類。
反到酒店都冇寫嗰blog，就瞓咗啦！實在太攰。亦係咁多晩，唯一一晩一覺瞓到大天光。
仲有一樣就係今日好特別既事，今日架旅遊巴去到中途，係d風車當中爆軚。跟住司機自己換軚。爆軚嗰位係我坐嗰度，佢爆嗰一刻，有d係塵係我嗰位飛，嚇死我。
不過咁啱佢壞車既地點好多風車，所以我吔可以係公路停底影吓相。不過影完都係即刻上返車，因為勁曬。
![]()
有突如其來既沙塵暴!
![]()
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
