![]()
呢
度好似係藏族既寺廟。落車開始有毛毛雨，由呢度寺廟既導遊介紹俾我哋聽每一間廟既歷史。行咗幾間之後，就開始落好大雨啦！係落一條幾級既石樓梯
時，carmen跌倒，佢又跌到坐咗係石梯度，超驚佢條腰有咩事。佢覺得好痛，所以佢無再行，領隊陪住佢。我同其他團友就繼續行。行多一陣就完啦！
跟
住同carmen一齊上返車，但係佢仍然好痛，跟住係車度瞓咗係最後嗰排。佢之後就打返香港俾佢嗰醫生。而我哋就落車去賣玉既地方。嗰d賣嘢手法，成個中
國都一樣，同之前去海南島聽嗰d廢話冇分別。大家都冇咩興趣聽。差唔多走之際，carmen上嚟，佢同緊保險公司d人傾緊。原來要返香港要睇咗醫生先得。
所以我哋去食午飯。導遊、領隊就同carmen去睇醫生照x-ray。我哋就係度食。食飯時間係長咗。跟住carmen嚟話無事啦，可以繼續行程。於是我
哋就出發，坐5個半鐘頭車去武威。
嘩，車程真係超耐。不過可能噚晩大家都瞓得少，所以嗰嗰都瞓晒覺。坐咗兩個鐘頭車有個休
息站，呢度係青海同甘肅既交界。跟住又繼續行車。好快又瞓著，開咗又係兩個鐘左右，架車要入油，距離目的地仲要成２個鐘，所以個個都又去洗手間啦！不過我
特別講，係因為呢個厠所勁唔掂。噚日嗰個中途站就勁dirty,今日呢個就直頭唔係厠所。跟住既路程越嚟越荒蕪都唔知點算！
再坐多兩個鐘就到酒店！呢區最新既酒店都係咁舊樓既樣！唉！
入到去又有歌舞表演，又幫我哋通關啦。
![]()
跟住我哋就去食飯。食嘢反而去到今日都好ok，可能我食羊肉同埋薯仔啦！食完都係8點天好光，出去火車站影咗兩張相，就返酒店lu。
![]()
去到第三日，我已經好想快d完，日日都要坐幾個鐘頭車，又要面對d唔係厠所既厠所。完全有d覺得係貼錢買難受。點解我咁潔癖都會揀去咁落後地方。自己都有d唔明。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
