跟團既代價就係每一日都超早起身，今日要去搭１１點由西安到西寧既內陸機。但係都要７點半就morning call。我哋10點4就等登機，點知班機遲咗個幾鐘，要成12點幾先飛，雖然1個鐘就到，但係令到我哋今日所有行程都遲晒。
我哋兩點鐘去食晏，跟住就要坐旅遊巴去青海湖。坐咗三個幾鐘先到，中間都有停車俾我哋去厠所。去到應該係5點幾。不過呢一邊日落係成8點幾，所以一d都唔似咁夜。同埋呢度係高原地帶，有成二千幾海拔，不過大家都冇咩高山反應。
去到青海湖首先要坐佢哋舊既改裝軍車出去，不過一路車出海邊，令到好多草蚊飛出嚟，飛晒係我哋d衫到。
出
到去望見嗰湖好寧靜，可能因為跟本冇咩人啦！一望無際既海洋，右邊係山景，左邊已經開始沙漠化，所以似沙漠既山丘。我哋影吓相，跟住行去唯一既一間藍色小
屋。呢度有嘢飲賣，又影咗一輪相，跟住覺得有d寒，所以買咗杯熱牛奶飲，當堂舒服晒。跟住我哋就去玩騎馬同埋四輪摩托車。原先話只可以玩一樣，而家居然兩
樣都可以玩晒，正！
![]()
![]()
![]()
其實騎馬都係有人拖住你隻馬行一圈，無咩特別，反而係一對殘腳上馬有d驚姐。摩托車就更加無難度，不過carmen唔玩，我就可以玩兩圈啦！玩完我哋離開原來已經８點幾。不過未日落，所以真係唔覺咁夜。
我哋坐車出返去食火煱，我呢個藥煲俾風吹完又勁頭痛，再加上係藍色小屋飲咗杯奶，所以另到我冇咩胃口食嘢。食咗好少，連我最愛既薄羊肉片都係食咗幾片姐！
食完飯我哋就要再坐返兩個幾鐘頭車出去酒店，所以去到酒店都成為１２點。攪完一輪成點半先瞓，但係6點又要morning call
啦！跟團真係超辛苦。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
