星期三係第一場五月天演唱會，因為太愛佢最新新既專輯，所以一賣飛就買咗lu。不過真係好貴，最前要$680，當然負擔唔起。所以睇中間飛$400。到攞飛時，先發現俾四舊都要坐到27行，撞鬼！
六
點半，就離開公司，搭隧巴去到紅隧口，都要7點2先去到都會海逸，跟住就食又一店。不過一d都唔好味，唔怪得知佢咁少人啦！食完未夠8點離開就過紅館！去
到都好多人啦！報紙話預備藍色螢光捧，當然預備啦，唔係投入唔到啊！開場前仲播咗幾首mv等大家warm up
先。開場，由一段片帶出今次DNA主題，跟住螢幕飛的士咁，就開始。係呢一刻音樂起，不過五月天都未唱，衆人都已經起晒身，超high！一輪勁rock既
歌，唱咗一段時間，換衫時又繼續播短片，跟住出嚟又係不停一曲接一曲咁唱！non-stop咁樣都唔知唱咗幾多歌。而所有歌既歌詞又係晒電視，唔記得都可
以跟住唱，大家都可以更投入！
我唸咁樣不停不停，去到十一點咁滯，終於停底講吓嘢啦！跟住又玩人浪，呢度攪咗比較耐，不過
唱戀愛ing，實係high爆啦！跟住佢仲講話有好多歌未唱，係唔係咁正啊！跟住又唱我最like既突然想起你！超開心！同埋其他幾首慢少少既歌。唱完後
都過咗十一點半！應該第一次完場開燈係十一點八九個字，開咗燈，d人都唔走，又未有叫廣播！所以起鬨encore。點知真係出嚟。再唱多兩首歌，勁
high咁！無唸過第一場，仲要係星期三都可以咁high。終於再鞠躬謝幕先完結！唯一遺憾佢無唱我好想聽既為愛而生。
