行山 - 紫羅蘭山徑至赤柱

我哋沿提壩小路，去到紫羅蘭山徑，左邊係落水塘，右邊係我哋今日既路線，淺水灣。係呢度望到人哋樓真係靚啦！Housing 仲要有大泳池。
我哋一路行，行咗半個鐘遠處見到淺水灣。

但 係for 我呢段路開始難行，雖然係平，但係係d碎石路。所以我要用行山棍借吓力先得，同埋平衡吓！係呢度我知我行得比較慢，所以同Alsia、Rachel 佢哋4個有距離，好在Ivy同Roy係我後面，佢哋又過唔到好頭，令到有人陪吓我！我哋7個人好似兩批人咁去行山。不過行咗半個鐘至九個字，我哋去到一個 三叉口既位，Rachel 佢哋停咗係度，因為唔知行邊。向下係去水塘、淺水灣，向上會去返陽明山莊，我以為繼續直行，所以沿引水道行，點知唔對路，條路似環抱個山，咁行會去返起 點。所以我哋又折返，前後浪費咗三個字左右。於是去返三叉口，向下行。落一陣樓梯後，就去到紫崗橋呢個位。我哋停咗一陣，跟據指示牌上山行，呢度寫去到赤 柱峽係1又1/3小時。點知最辛苦既路段開始啦！
由 紫崗橋開始行，當時係3:53分，我哋一路上樓梯，d樓梯多到見唔到終點，行幾十級，大家又要停底，跟住再行。再行已經開始唔講嘢啦，因為真係冇氣講，再 講氣都喘，又要抖！我哋斷斷續續抖咗3次先望到對山頭先嗰3叉位，咁即係我哋上咗一半都冇，於是我哋好努力再繼續行樓梯。我同Roy一路行，變咗行先，上 吓又停吓，終於4:30我哋上到山頂。係呢度山頂居然冇個亭，我哋只係坐係舊石到等，超曬！係呢度居然望到好遠處既日出康城同埋領都。(今日有帶望遠鏡， 所以好肯定。)
當我哋坐咗兩個字唸住行之際，就見到Ivy出現。再影咗一輪相，我哋行啦！終於聽到Rachel把聲。
而 家開始落斜，落斜對於今日既我係辛苦d，同埋係石路唔係梯級。不過好在有行山棍，幫助我平衡同埋卸力。行咗一輪斜路，又到上斜，上斜先頭都係石路，無耐又 到石級，不過因為頭先唔係落底咗好多，所以呢條上斜既樓梯級少好多。好快又到山頂。大約五點三左右啦！跟住我哋就真正落樓梯啦！因為係呢度已經見到赤柱全 貎。
不過不停路樓梯又好鬼攰，特別係膝頭。一路落一路落，終於係五點十左右，到到衛奕信徑嗰牌面，完成今日4個鐘既行山路線。
Alsia 因為約咗人所以佢出返中環，而我哋五個就搭車落赤柱。好快就去到赤柱緦站，當然去toilet梳洗吓啦！Roy亦都同我哋講拜拜，之後我哋4個行咗赤柱大 街，行咗半個鐘都冇就入咗藍屋既餐廳食嘢lu。我哋叫咗ribs, salad, pasta and lamb。再之後仲加咗嗰甜品Death of Cholocate即係心太軟。呢間餐廳d嘢食唔算好味，不過環境都ok。最後每人食咗$250。食完我哋就再係餐廳呢條街行，同埋去埋美利樓先撘車。

係 車站等最快開嗰間，點知係落尖沙咀，good ar可以行吓it。不過一上到車就好唔舒服，再加上超搖，變得勁頭痛，好辛苦坐到去尖沙咀落車。同Ivy 行咗去太陽廣場，但係覺得冷氣超凍，頂埋去細it，真係頂唔到啦！所以大IT都唔行就走啦！勁頭痛咁返到屋企食藥，沖完涼就好返好多啦！所以可以頂到而家 寫完嗰blog！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/