Cycling - 流浮山、尖鼻咀、南生圍

好快我哋就租完單車，跟住就踩去天水圍，我係度踩，點知踩咗入三貝河條路，好在阿roy記得姐，好快就踩到去天水圍既路上，唔駛一個鐘就去到濕地公園。
跟 住我哋繼續向前行，我哋踩去流浮山，當中經過一條天橋，d天水圍居民掛晒d衫係度曬。連under 都有唸起都核突。跟住我哋再過隧道，開始係踩入流浮山條路。不過呢條路又好危險，雖然都有條好窄既行人路，不過周圍都係貨櫃場，所以出出入入都係d貨櫃 車，勁驚同埋超大塵，d沙塵不停入眼同埋僕面，超難受！好在有驚無險好快就去到流浮山。流浮山超多人，好多本地旅行團既人。條路又窄，全程推車去到海邊， 當中行條路，我覺得勁似鯉魚門，有海鮮檔、有酒家、仲有賣零食既舖頭。去到海邊，我哋見到有人開蠔同埋曬蠔做蠔豉，仲有好多人買緊。我哋當然冇買啦！不過 就係度影相。
影完一輪我哋就出去搵間酒家食我哋既下午茶。我哋叫咗瀨尿蝦、花甲、扇貝同埋蠔。瀨尿蝦同扇貝都超正，但係蠔我就唔啱。
食完我哋就向尖鼻咀出發。呢條路雖然唔算好遠，不過就超攰。因為佢上斜位勁多，令到我哋都要落車推。尖鼻咀原來都係觀候鳥，睇咗一陣影咗相，我哋就走lu。
我哋行咗另一條路出去天水圍，呢條路都係勁斜，所以又係推車上山，但係落斜就超正，一落去就係濕地公圍外圍。
當時係4點幾，我哋決定要加快速度，因為我哋要再次踩入南生圍，之後先交車。我哋出返流浮山，見到有坐山好多人放風箏，唔知呢個山係唔係叫流浮呢！同埋應該真係好大風，成條金魚都可以飛起啊！
繼 續踩，我哋去到三貝河既時間係五點左右。啱啱踩完無耐，d印象真係心刻d。不過今次都唔同上次，因為我哋由尾三貝河去返錦田河，同上次係相反。好快我哋就 過横水渡。今次係一個女人撜艇，同埋水漲好多，不過個女人都好勁，要我哋4個一齊上船。我哋上返岸就係南生圍，係黃昏時份去就係唔同，好清靜、而且一片草 原，成件事都好natural。
好快咁踩啊踩啊，踩過樹林、草地，我哋又踩返南生圍條車路。係呢d時間比較少車，所以我哋超爽咁係車路到馳騁。唔駛個半鐘我哋就出返元朗。6點7個字左右我哋就交車lu。交完車我哋就約Rachel去奧海城食飯同埋睇戲。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/