0

Cycling - 東涌至迪欣湖

vi老篤日記 於 2009-03-03 17:57:47 發表  |  累積瀏覽 1739

分類:踩單車 ;地區:東涌
零晨差唔多三點先返到屋企,已經即刻沖涼洗頭然後瞓,因為9點幾要起身。啱啱沖完涼多數都要幾個字先可以瞓得著。唔知係唔係好驚唔知醒呢,8點幾醒咗都瞓 唔返,不過死都要磨,所以等個鐘響先起身。食早餐睇報紙,又攪到遲咗出門口。去東涌搭巴士,又等咗幾個字,所以都俾預定時間遲咗十分鐘,但居然都係未到 齊。Ivy 同Roy係九個字後先嚟。於是我哋即刻租單車出發,行咗一陣,只係由逸東村出到消防局,Ivy就好似死死吓咁,攪咗部車一輪,再繼續行。因為停咗我就冇睇 到路,所以去到昂坪吊車站先行返過去,行遠一個街口。過咗東匯城,係單車路,Ivy架單車就斷鏈。雖然都整到,但係都叫Thomas 去返單車舖換,因為又唔好踩,同埋驚之後又斷過。我哋三個就繼續踩先,跟住單車路,居然係無路。原來仲有一條不過好唔啱wor,去返d村既,原來係要上樓 梯,好在roy係度。上完樓梯就見到東涌交匯處,跟住一落就去映灣園。見到有公園我哋停底就等Thomas。大約三個字,佢就返嚟。我哋沿單車線踩。去到 傳說中既油站,真係要過一條好窄既路,就去到海岸線。望出去見到機場,有飛機起飛,但係好濛!
右邊就係機場快線條路軌,望後面就係頭先d樓。
呢 條路雖然唔係單車地,不過又冇車又冇人都幾好踩。只係大風咗d姐。所以Ivy好似單車手咁90度扒係度晒!一路踩,應該幾個字後就要過隧道,過咗去公路既 右邊,又要經過一條渠底去返對岸,橋底係要90度咁踩住單車先過到。Ivy訓練有數,過得超輕鬆。返番鐵路邊,又繼續踩lu。唔知踩咗幾耐,見到車廠,跟 住繼續行,就係落隧道轉去鐡路右邊既公路,跟住就開始驚險旅程啦!因為要踩公路。盡量踩住單黃線行,隔離就會有貨車經過,不過最驚都係私家車,因為佢行得 勁快,好快咁就去到一條應該車都可以行既隧道,呢條路超黑,伸手不見五指。好快過咗對面係一個地盤。只係停咗一陣。居然有成十架既褔士甲蟲車經過。都幾壯 觀。我哋跟住踩啦!踩咗一輪,又再見到d車,原來佢哋係一齊約埋嚟竹篙灣。我哋就再踩前d先影相。
跟住又係一路咁沿海邊踩,如果唔係天陰,藍天白雲應該幾靚,但太曬都唔得,會死!


都唔知又踩咗幾耐,就去到欣澳站。我哋繼續沿海岸踩,但係發覺唔對路。於是折返,但係不幸事件就發生啦!Thomas 話佢架車嗰頭唔知點解會搖,點知踩多幾部,嗰頭仲甩埋添!已經好心有個釣魚郎幫我哋!但係都係攪唔掂。於是我哋就推去欣澳地鐡站搵人幫手。

雖然最後冇人幫我哋整返嗰頭上去,但係地鐵員工就俾Thomas搭地鐵,於是佢就離我哋而去,同埋做科學怪人攞返架車返去。


我哋三個就繼續去欣澳出發,問咗地鐵職員,似乎都要上車路過去,於是踩咗一條車路天橋去到山邊,呢度已經有廸士尼既特色,d路牌你睇幾靚。

不 過我哋亦開始最驚險既旅程。因為踩踩吓發覺成條都係公路,條公路仲係高速,可以行80。好驚咁三條友死踩,過完一個天橋再踩,居然係一個回旋處。踩單車過 回旋處,超驚!第一次考牌就係衰係回旋處。跟住又驚有警察,告我違反交通規例,無端端扣我3分。過咗回旋處就見到迪士尼牌面。右邊見到迪欣湖過噴水池。
但係回旋處指示右邊係出東涌同埋九龍,又去公路。所以我哋直入廸士尼渡假村。
踩咗一陣又見到回旋處,而對面就係迪欣湖入口。我緊係唔踩一個300度既圈入去啦!推住架單車過馬路就算。終於到咗!
我第一次去迪欣湖,都真係幾靚,不過全部都係人工。
第一時間去seven食吓嘢,幾歐陸吓,加埋架單車超型!

呢度有水上單車,環境好似去咗台灣碧潭咁!
所有嘢都好人工,但係好detail。

噴水池幾靚,仲有人玩水上單車,佢哋4架拖住手踩,成一直線好攪笑。
d草幾靚!突然係郊遊feel。
d樹出菇啊!
不 過怪事係未完,當我哋係7-11食完嘢,唸住係嗰湖踩一周,點知Ivy架單車又斷鏈。今次仲卡住,點整都整唔到。雖然廸士尼d員工話攞架撐俾我哋整,不過 都唔知點整。所以我哋輪流踩一圈後就call 的士返東涌。搭的士,司機都幾驚,因為兩架車放係車尾箱,其中一架個轆仲突咗出嚟,所以佢行得好慢。

返 到東涌做返城市人,還完車搭車去返地鐵站。Roy介紹咗我哋去村屋食泰菜。估唔到有咁多村屋食肆,仲係地鐵站車你過去。d嘢食幾好味,又好快!最正就係椰 汁冰。不過唔可以再試,因為佢3月3日就結業。食完車返我哋去地鐵站。我哋緊要行吓,去咗it,不過都冇嘢啱,再去埋on pedder都冇嘢啱,於是就返歸,完成今日既旅程。 







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:東涌
  • 攻略時間:N/A
    是次消費:N/A
迪欣湖活動中心
地區:
消費:
$190
分類:
特色景點,水上活動
8.8
105307
釜山水族館
地區:
消費:
$101-$300
分類:
undefined
8
3258
Thormork 冰島高地
地區:
消費:
分類:
undefined
9
3439
六義園(東京)
地區:
消費:
$1-$100
分類:
undefined
7.9
5617
中環街市
地區:
消費:
$5000
分類:
7
3180
鴻運單車行61
地區:
消費:
$1-$100
分類:
1366
珠璣巷
地區:
消費:
分類:
undefined
7
3650
數碼廣場
地區:
消費:
分類:
undefined,undefined
8.3
3431
0人比"掂"

最多能輸入300字

累積瀏覽 208936

全部攻略 323

全部回應 5