去到車路同大興土木既地方,我哋一路行,見到d war game場,跟住再行,見到一櫃好似黑狗咁,係一嗰吊高咗既位,全部眼望實你,好似好兇咁!仲有人講話係鬥狗,點知聽到咩一聲,原來係黑羊嚟架!點解要放高呢,同埋放得咁遠,我哋係度唸,非法屠場,黑市羊。
繼
續行見到有一塊農田,同埋有兩隻佢哋覺得好得意既狗。跟住嗰男人叫我哋入去同埋睇吓d農田。我哋入到去,原來有好多唔同既植物wor。有太陽花、劍蘭、木
瓜、粟米、番茄、士多啤梨、蘿蔔、生菜等。我哋一樣樣係咁影,celina仲播種,種豆角添!走嗰時,佢哋仲割咗好多生菜俾我哋,仲有兩個蘿蔔添!而
celina太有興趣,攞咗contact唸住嚟幫手。農場主人講塊田係嘉道理農場,佢租咗嚟假日種菜。而佢亦講頭先我哋見到d羊係提供羊糞作飼料。同埋
d羊唔可以濕水,所以放高咗。
仲有d唔知咩花!
太陽花勁靚
一朵朵小花,仲有稻草人添
蘿蔔呀!
木瓜!
粟米
呢d就係劍蘭,but冇咗把劍同d花lor,所以遲d又可以種第二d嘢!
一割完d菜俾我哋,幾想即刻食啊,有機生菜,超新鮮沙律。
入
屋同埋走嗰一刻,都要過兩隻狗,我當然好驚,但仍要扮鎮定。所以我要夾係佢兩個中間。我哋好高興咁走之後,行返出邨口,呢度已經有車出返屯門市中心,不過
為方便認路,我哋繼續向黃金海岸行。原來我哋出嚟嗰度就係掃管芴,呢個名好似成日聽到。沿馬路都行咗成半個鐘先出返去青山公路,見到黃金海岸。係呢度就同
嗰外人分手,我哋就入黃金海岸,完成咗今日行咗7個鐘既路程,當中6個鐘係山路。自己都覺得自己勁!
係呢度真係要講吓今日
嗰不速之客,影響晒成個行程。其實一開始佢都有join 我哋講嘢!不過每次講完,我哋都o嘴同埋dead air
囉!點解,講寵物,佢哋講貓狗我都已經驚啦!佢話佢自己係樣蜘蛛,仲要手掌大,放佢出嚟捉曱甴。唸起都想死!講車,又話自己玩飛車,見我哋冇反應,又話會
電單車,嘔啊!跟住又唔知咩有樓有車,又話有個女,都唔知想點!同埋佢又話今日唸住挑戰極速落深井,不過見到我哋,所以等埋我哋話一齊行有伴,唸起都驚!
最重要佢實在太樣衰啦!嗰d唔知係汗毛or鬚根,挮咗佢啦!仲有嗰條咁既牛仔褲,短褲石磨藍,都唔知係咩年代既產物。希望唔好再遇到呢d人,面皮咁厚,不
過唯一好,我唸以後我哋行山都會講佢一次,永遠的topic。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
元荃古道
北潭涌郊遊徑
菠蘿園
菠蘿園
石澳郊野公園
鳳園蝴蝶保育區
水泉澳
鶴咀海岸保護區