行山 - 赤徑、黃石

一早約定d同事，唔理噚日燒野食去到幾多點，今日都會行山。點知原來好多人初六都要拜年，d主腳又唔係度，大家又懶想瞓多d，所以我哋就改咗行程，4個人去咗西貢。連續兩日都嚟西貢。
我 哋約咗十二點半係鑽石山等，唸住好老定，點知假日唔代表星期六，所以直逹架車無開，要係度等車入西貢。其中一個frd仲係北潭坳等。我哋兩點先去到，佢係 嗰亭一個人等咗我哋一個鐘。原來北潭坳就係我上次行大浪灣既尾站，幾好啊，可以係返呢度，行去赤徑同埋黃石碼頭。沿山路係落既，所以非常之順，

好快就行到落去水既地方，經過一埋廢屋，就望見有紅樹林同埋一個好靚既海。
呢條路上次都有行過。一路沿海邊行，去到赤徑碼頭，呢一part上次就冇行過，d水真係超清，加上今日嗰天好藍，海天一色咁！
係呢度會有船家問會唔會搭船去黃石，我哋當然唔會，沿返條路出返去啦。
行返回頭路，去返分叉點，另一邊就係落黃石。呢條路感覺完全唔同，因為條路好窄，d草又高，行過好似會俾d草同埋荊棘打咁，仲覺得會有蛇添！超驚！不過見到有人行就安心d囉，因為有蛇都應該嚇退咗啦！再一路行見到有個住寫住去大灘，

見 話3個字咪行lor，行咗一半，見到行既路好似回返之前赤徑咁，所以我哋決定回頭走，係呢度見到有個牌寫住黃石添！不過見同之前分叉見到唔同，又無咗碼頭 嗰字，所以先回頭姐。點知返番出去分叉路嗰牌，見到原先係我哋前面既細佬，跟住仲見到係我哋前面咩住相機既行山者，我哋就話行咗嗰大運啦！因為兩條路係一 嗰圈，而黃石嗰牌就係去黃石碼頭。
算啦！過年行大運麻。係呢度行多一陣就見到嗰碼頭，跟住一落去已經係燒烤場，出返平地去到碼頭。我哋行咗三個鐘，但今次既路超易行，完全冇難度啊！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/