行山 - 大潭涌郊遊徑

呢個weekend真係去到盡，玩完海洋公園都未夠皮，今日再嚟行山。不過都驚自己體力不支，所以揀條易行d路線。我將呢個重任交咗俾Alsia，於是就 佢，我同Ivy就入咗去元朗行大潭涌。元朗到而家為止，都係一個好陌生既地方，佢話俾我聽搭68x，過咗大纜隧道就落車。未夠2點我哋就人齊，開始起行。 問咗人之後就係一條欄杆後開始起行，呢度完全唔係幾起眼。一開始就已經係好急咁行上山，有樓梯級，有斜路。行咗兩個字望返隧道已經再我哋腳下啦！
行咗一陣大家都超熱，開始除咗身上既褸，繼續向前面出發。不過一路行都冇咩嘢遮頭，同埋好似上極都未去到山頂咁，就算係上到去，原來又有另一個山頭係你前面，望不見終點係邊。行 咗一陣見到幾個阿叔係山上，佢哋話俾我哋聽上到山頂會有亭，再行過唔知幾個山頭又有另一個亭。我哋係咁行終於去到第一個亭。但係望吓前路，完全唔知仲有幾 耐，因為條路係望唔見盡頭。我哋係咁繼續行，終於去到第二個亭啦！呢度停得耐d，因為真係有d攰。跟住我哋又繼續行，都唔知行咗幾耐，完全都係一望無際既 山頭，完全發現唔到嗰水塘，只係成日都見到條路側邊係深谷，跟住就有d紅花，好似武俠小說咁。跟住又行行吓聽到笛聲，真係好似武俠小說咁，有武林高手隱居 咁！再繼續......行，終於見到有嗰牌寫住木欖涌水塘。
終 於我哋行多8個字去到應該係水塘邊既地方，但係水塘仍然見唔到，不過我哋都決定跟指示去大棠巴士站咁上下既地方，唔記得係行咗半個鐘or差唔到一個鐘，終 於出返去一個燒烤場，然後再繼續行去到應該係大棠荔枝園附近就有小巴出去元朗市中心。真係終於終於可以完結我哋既行程，足足行咗四粒鐘啊！跟住仲要趕住出 去同屋企人食骨煲皇添！
今日我既行程仲未完，食完飯再由大角咀行去旺角，然後再去各電器舖格價買相機。終於都係百老滙買咗，跟住就再係旺角行返屋企。所以隻腳超攰，星期一返工小腿都仲有d痛。 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/