雖然都仲係放緊暑假,
但係今個假期, 對我o黎講, 唔算輕鬆
除左要返工之外, 仲要兼顧小齊考學校o既事
雖然暫時見得一間又唔算好緊張,
但整報名表, 交表都已經消耗我唔少時間
仲有好多其他準備,
執相整 portfolio 呀,
同小齊去 mock in呀, 同佢傾返佢表現呀,
買戰衣呀, 自己上網做功課了解下學校理念乜乜乜 ...
一間都唔少功夫, 我仲 shortlist 左 over 10間...
好彩分開幾個月o黎做, 得閒整d, 得閒整d...都唔係太辛苦
呢兩個星期又再親身去交多兩間報名,
好彩我醒目帶埋交表3寶, 遮, 水, 扇....夏天真係唔少得...
之前報o既學校有部份收 portfolio, 所以我已經整左 3份,
寫 cover letter, 執相, 簡介...
如果學校真係想藉以了解我地家庭同阿女o既話我都唔介意整 portfolio,
我冇整 portfolio 經驗, 比起人地出面專業公司整可能有所不及 (雖然我見過有d收幾千蚊都不怎麼樣),
不過我算係最了解我個女o既人啦,
我盡我能力寫關於佢o既o野, 希望可以幫到學校了解小齊
每次整起一份都有種滿足感!
令我諗起"媽媽做給你" 呢本書...haha...
portfolio o既o野, 人人都整到, 媽媽都可以做給你... 第時你大個比你睇返...
悶悶地又睇下有咩"戰衣類" 衣服...
我發覺我呢排都係睇"戰衣"多...haha...
呢條 one piece幾好....果條半截裙又好似幾斯文...
呢件驚太熱... 果條裙又驚佢去完 toilet 會面目全非...
唔知凍唔凍要唔要外套, 著咩鞋會唔會有影響? 有d 又可能有運動環節?
著到黑沉沉嫌老氣, 白恤衫又好似寡寡地, 當然又唔可以太花巧,
令我有d 選擇困難症...
算啦, 熨定幾件備用啦
面試結果殊難逆料, 間間學校都幾千人報,
(我今日見陳守仁報名處預備o既收表箱到 7200!!! 即係學校預over 7千人報, 仲多過上年)
話有信心都係呃你, 自己都知自己個女有咩弱點,
我都儘量幫佢改善咖啦,
但讀書果個係你, 我做唔得幾多咖,
你就做返你自己, 睇下有冇邊間學校會對你青睞啦...
儘量輕鬆一點...我唔想考一次小一老十年~
各位BLOG友戰友, 加油!
是日靚衫: D&G JUNIOR
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
