台灣之旅 - 8th day - 台北返香港

一 早未到十點就已經去到，早過人哋返工。因為未開門所以行去再影吓朝早既新光三越先。因為一直係台灣只係遠處見到有坐大廈成日閃嚟閃去，睇返旅遊書先知係三 越，所以要再影多幾張相先得。跟住再行返去電影城，套套台劇都係度拍，嗰日嚟都冇留意，冇影底相，今日無人既情況吓一定要影吓。行完一圈終於開門。咁就入 誠品睇書，有成兩個鐘睇書。今日細心睇，發覺呢度最多書，大過敦化既誠品。我好細心咁搵，都搵到d香港無而我又想要既書。而有d書都好想買，不過香港可能 都有只係貴d，係我而家台幣就快用晒既時候，背囊又鬼咁重既時候，都係算把啦！連雜誌都係去到機場睇吓身上啲盤川夠唔夠先考慮。

行 完兩小時後，我就搭返捷運去度小月食晏，同埋會合返友人啦！去返復興區，食完再行吓d潮店，但係可能太早啦！居然未開，所以超快又行完。跟住就再去西門 啦！噚日掛住唱k都冇去買手信，今日再去返。點知買完都係２點幾，身又重都唔知行去邊好。最後係西門，行一行，買手信，去到車站又行一行三越，最後３點幾 去返酒店攞行季出機場。所以所有嘢都早晒，連搭機場巴士都行得快過人，一個鐘唔駛就到，所以勁多時間係機場，食埋嘢都未夠鐘，仲可以update埋個 blog添！

後記：過咗海關，居然仲有嘢睇，就係有個Hello Kitty候機室。唔知點解要整到咁Kawai，咁啱我哋班機就係用呢個登機門添！另外佢仲有一個kitty店，都係賣d特別嘢，令到我將剩番既錢放埋係度添。得返40蚊台幣，即係10蚊港幣。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/