台灣之旅﹣7th day - 繼續台北（惡作劇之吻）

唔知點解台灣嗰貓空停咗咁多日，嚟咗４日都去唔到，而所有熱門既行程都去咗，所以今日跟旅遊局追星指南去咗新店。呢度係惡作劇之吻湘琴同直樹結婚既地方。 佢哋仲係度踏水上單車添。所以今日天氣咁好，時間又充裕，我哋都有泛舟湖上。不過呢度風景真係幾靚，除咗惡作劇之吻外，我最like既命中注定我愛你都有 係度拍。所以連棵樹都唔放過，影一餐。

去 完呢度，我哋就去買手信。去圓山買鳯梨酥，跟住又搭的士去買豬肉乾。買完放底係酒店就去食麻辣火煱，等咗７日終於食到，最估到去到台灣簽citibank 有折，可以多份雪花牛添！又食到超飽。食完就行咗去bape store 潮聖吓。跟住又行返去忠孝敦化同埋復興。行完都係７點幾，唸住唱k。嗰日高雄唱咗Holiday，今日當然要去吓錢櫃。點知佢超貴，唔係計人頭，要包房， 一個鐘要成７百幾台幣，點唱啊。所以我哋走咗。跟住就即刻唸住去西門，呢度應該係旺角，會平過銅鑼灣。同樣去錢櫃問吓，點知果然，佢話未夠８點，仲可以三 百幾蚊唱４個鐘，去返d正常收費。所以入去唱啦！d歌同嗰日都係一樣，都冇d特別獨家試唱架，真係失望。咁唯有再唱一次d新歌啦！最勁唱當然呢期最愛聽既 周杰倫說好的幸福呢，其次就係五月天既突然好想你。兩次夾埋唱咗好多次，超滿足。

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/