0

台灣之旅﹣4th day - 台中到台北

vi老篤日記 於 2008-12-14 10:32:31 發表  |  累積瀏覽 390

分類:長線旅遊 特色景點 ;地區:台北,台中

噚日去得夜攪得夜,所以又係瞓到皇朝百晏先起身。一起身就執嘢準備check out.不過我哋仲未離開台中,我哋放底行李就搭的士去台中藝術館。跟住再行埋佢附近既美術道。美術道有好多好靚既餐廳,但係我哋唔早唔遲既時間,攪到得 幾間可以揀,最後我哋去咗間食西餐,好有法國feel既餐廳食嘢。原先係唸住食早餐,入到去都係唸住食沙律,點知最後叫咗一個極豐富既午餐。我哋嗰午餐要 成二百蚊港紙,嗰餐係包咗一個前菜﹣沙律,湯啦!仲有幾款法國麵包添!跟住就嚟主菜,主菜係羊架,都幾好味。食完主菜都未完,仲有甜品,我揀咗焦塘布丁。 跟住仲有一個咖啡添!所以係超豐富既。我哋食咗成個幾鐘。勁relax咁,終於食完我哋嗰餐。

食 完之後就要去酒店攞返d行李,再出去火車站,北上向台北出發。去到台北,酒店就係火車站附近,所以好快就可以放底d行李。跟住我哋就搭捷運去咗101嗰 頭。一出地鐵站,真係發覺台北凍好多。我哋行咗諴品,再去三越跟住就行過去101。其實101下嗰商場同香港ifc差唔多,無咩特別,最想都係想吓最高處 望吓。所以我哋俾咗成一百蚊港紙想去望。望出去又係好唔清,但係佢有得帶住部機聽佢既廣東話既介紹。跟住就再上去佢層露天樓層,但係超大風同埋超凍。原來 係嗰度得返十度,但地面就有十九度。你話差距幾大。

行 完101我哋就去咗敦化嗰邊。去到我哋食鼎泰豐,點知鬼咁多人,不過都好在係等咗半個鐘左右就有位啦!我哋叫咗好多嘢,攪到勁飽。所以食完又周圍行吓消化 吓。行去搵到Hello Kitty cafe,不過因為太飽,所以無入去食嘢,但係我哋就係門口勁影相。影完再行埋誠品,我哋就搭捷運走啦!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/









鐘意SeeWide的分享,給我們一個Like吧!
  • 攻略日期:N/A
    攻略地點:台北,台中
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209443

全部攻略 323

全部回應 5