台灣之旅﹣3rd day - 台中

行咗成個鐘，頂唔順我哋就問人，發覺原來嗰放送站行過咗好遠，我哋唯有行返回頭路。但係咁我哋又無意中去到一間以舊式佈置作主題既餐廳，佢咗有tvb之旗放係度添！

去 完繼續行返去台中公園。跟住繼續行去年青人地區﹣中友百貨。超多人！行完就搭的士落去精明一街，都唔知點解叫d咁既名。去咗就真係苯。啲旅遊書真係誇大咗 d旅遊點。但係附近見到有間食麻辣火煱，應該都幾出名。點知要等成個鐘，唉！仲未食到麻辣火煱。跟住我哋就只好行去附近食pizza。

食 完我哋又搭車去東海藝術區，東海原來係東海大學，係呢度都感覺有d似首爾弘大附近。不過條藝術街唔係好長，好快就行完。跟住有搭咗的士去逄甲夜市，原來逢 甲又係大學嚟！呢個夜市真係幾大，不過好多人，可能係星期五啦！人多又超飽下，完全一d食慾都冇。行咗半個鐘至一個鐘左右，又去搭的士去今日最後一個景點 ﹣茶藝館。我超期待啊！因為覺得好正，好傳統，你可以去coffee shop傾計，點解唔以去飲中國茶呢？都係一樣姐。我足足一個人飲咗３壼茶，同埋食瓜子。好似阿伯嘆茶咁！坐咗差唔多兩個鐘就走啦！今日既行程終於完成 晒。

不過有一樣要講，台中無地鐵真係唔方便，下下都要搭的士，同埋有d地方都真係幾遠。但係係台中既感覺比我想像中好。 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/