0

台灣之旅﹣3rd day - 台中

vi老篤日記 於 2008-12-14 10:35:03 發表  |  累積瀏覽 376

分類:長線旅遊 特色景點 廟宇 ;地區:台中
今日係高雄最後一日,因為時間充裕,所以遲d先起身,成9點鐘。但係我哋既早餐係到十點,所以又超趕,仲要得返我哋兩個係度食添!食完就搭地鐵去到左營,因為係呢度可以搭高鐵上台中。




高鐵真係幾快,唔駛一個鐘我哋就去到台中啦!我哋搭的士去酒店放底行李,呢間酒店真係好靚,又大。

好! 開始我哋台中之行。首先我哋去酒店附近既誠品,呢度唔止有書賣,仲有衫賣,d衫仲要好得,我都睇中咗件衫,不過太貴啦,所以冇買。跟住我哋就搭的士落去台 中火車站,嗰頭d建築物真係超舊。係車站有遊客旅遊中心,攞咗份地圖,就跟佢去台中放送站,點知d爛鬼地圖都唔啱,行極都行唔到。但係就係咁無意中,我哋 去咗孔廟,希望佢令我入學成功,學業進步啦!

行咗成個鐘,頂唔順我哋就問人,發覺原來嗰放送站行過咗好遠,我哋唯有行返回頭路。但係咁我哋又無意中去到一間以舊式佈置作主題既餐廳,佢咗有tvb之旗放係度添!

一路繼續行,終於搵到,點知都係不外如事!浪費晒d時間。


去 完繼續行返去台中公園。跟住繼續行去年青人地區﹣中友百貨。超多人!行完就搭的士落去精明一街,都唔知點解叫d咁既名。去咗就真係苯。啲旅遊書真係誇大咗 d旅遊點。但係附近見到有間食麻辣火煱,應該都幾出名。點知要等成個鐘,唉!仲未食到麻辣火煱。跟住我哋就只好行去附近食pizza。


食 完我哋又搭車去東海藝術區,東海原來係東海大學,係呢度都感覺有d似首爾弘大附近。不過條藝術街唔係好長,好快就行完。跟住有搭咗的士去逄甲夜市,原來逢 甲又係大學嚟!呢個夜市真係幾大,不過好多人,可能係星期五啦!人多又超飽下,完全一d食慾都冇。行咗半個鐘至一個鐘左右,又去搭的士去今日最後一個景點 ﹣茶藝館。我超期待啊!因為覺得好正,好傳統,你可以去coffee shop傾計,點解唔以去飲中國茶呢?都係一樣姐。我足足一個人飲咗3壼茶,同埋食瓜子。好似阿伯嘆茶咁!坐咗差唔多兩個鐘就走啦!今日既行程終於完成 晒。

不過有一樣要講,台中無地鐵真係唔方便,下下都要搭的士,同埋有d地方都真係幾遠。但係係台中既感覺比我想像中好。 







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/











鐘意SeeWide的分享,給我們一個Like吧!
  • 攻略日期:N/A
    攻略地點:台中
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209405

全部攻略 323

全部回應 5