台灣之旅﹣2nd day - 恒春、墾丁 (海角七號)

第二日既行程係去墾丁，因為唔係係墾丁stay一晚，所以有d趕。於是我哋６點就要起身，跟住搭兩個鐘頭車去到恒春。恒春都算係成個車程裡最繁盛既地方， 不過仍然係好鄉下。去到恒春當然係尋找海角七號既足跡。雖然我睇完都唔明點解套戲會咁hit，不過全台起控，當然要襯熱鬧去一去啦！去到一落車就有d指示 牌去阿嘉的家。

去到發覺勁多人，而屋主門外就賣紀念品，入去屋內參觀就要俾廿蚊，咁遠去到都入吓去啦！仲可以著埋件郵差衫影張相添。

去完佢屋企就去咗西門，再係恒春走走就再搭車入墾丁。

去到墾丁都係得一條好似for遊客的街。返而一落車就有人問我哋包唔包車，因為我哋想去鵝鸞鼻，呢度實在太煩，不過我哋都要唸一唸先，因為都要每人成二百蚊港紙。所以我哋係附近食完嘢再唸吓先。最後我哋都有包車，去咗鵝鸞鼻、風沙吹、佳樂水，最後仲去埋荗伯間屋添！

返番恒春，我哋又搭返２個幾鐘既車返高雄。

去到高雄車站，發覺都冇咩嘢睇，跟住就再去８５大樓，唸住嗰邊旺d，點知都係差唔多。但係我哋係嗰度見到有間烤肉店，於是入咗去食，原來＄４５０任食，好平。仲要有兩個窩，一個係火煱，一個係燒肉。真係好正。仲有雪糕添！