去到旗津就租咗單車環島遊,會去到高雄燈塔及旗後炮台。跟住就一路有條沿海既單車徑,原先我哋想去到風車公園,但係都冇路所以回頭就走。不過嗰感覺勁似係大埔海濱公園。
去返碼頭但係今次就唔係搭船,係去搭巴士離開呢個島。搭車我哋去到夢時代,呢度有個Hello Kitty 既摩天輪。其實佢本身都係一個商場,不過超靜都冇人。我哋上到頂就等搭摩天輪。原先當然唸住坐卡通人物,點知佢有一架係透明既箱,咁緊係等啦,等24分鐘 都要坐吓驚唔驚,點知原來唔係好望得清楚,早知坐大口仔算啦!
跟住我哋就去愛河,坐觀光船。不過最難頂都係嗰碼頭,叫真愛碼頭,一唸起都毛管楝。係愛河落船既地方原來勁近我哋酒店,所以返咗酒店抖一抖後,就落咗去六合夜市。
以前去六合夜市都好似感覺ok,但今次去就發覺原來咁細,其實得一條街左右,又唔係有其他嘢賣,只係食嘢。最後我哋都食咗排骨湯同埋飲咗苦瓜汁。
食完嘢終於完成今日既行程,返酒店。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
累積瀏覽 211257
全部攻略 323
全部回應 5