噚晚去咗睇香港公開羽毛球超級賽，今次係我第一次現場睇羽毛球比賽，原來好好睇！首先唔買星期日總決賽係因為星期日係公司運動會，好驚撞去唔到浪費金錢。
星
期六我哋係睇夜晚，日頭有一場，夜晚再有。雖然係咁，原來都可以睇到五場，包括混雙、男子單人、女子單人、女雙及男雙。d飛係教練買，雖然係二百八十蚊，
但係嗰位都好正！去到就覺得好值。不過係伊館睇真係好迫，d位超窄，好在第一行，可以申吓隻腳出去，如果唔係都唔知點算。
現
場睇真係同平日好唔同，聽到拍拍聲，又睇到好緊張。不過最差就係周圍既人，坐係我隔離嗰女人同男人都唔知點解唔停口，超煩。不過我哋由六點半睇到十點半，
去到後尾佢把口都攰，無再講嘢lu。嗰時係最清靜咁睇波。現場睇d球手打波真係好快，快到隻眼都望切，如果自己落場打，一定打盲咗隻眼。
![]()
![]()
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
