星期四一早食完石頭鍋飯就去景福宮。其實景福宮都冇咩特別,中國故宮靚十倍啦!不過宮都有係度拍,加上而家又執靚咗,所以去行吓!一去到居然換班wor,所以又可以睇吓傳統換班儀式。跟住就入去行,真係冇咩特別。最多咪睇吓明成皇后成個池及韓國第一電力處。
去完仲行埋隔離嗰文化館,免費架!不過都係掂行掂過!行完之後就向前行行去江原洞。唔知係唔係星期日,呢度好多人。亦無咩嘢啱睇,但係食嘢就貴,兩個人食咗一個燒肉午餐定食仲要唔係你面前燒,都要30000 won。行完呢條街,一路行出去,居然又行到去清溪川,仲要係我哋嗰日出嚟嗰頭。跟住繼續行我哋就去返明洞。仲有時間,我哋就行咗樂天百貨。跟住我哋就搭地鐵去梨花女子大學區會我細佬。
呢區就當然好多少女服啦!一間間舖頭咁!不過d衫就唔係好啱睇!跟住入咗學校門影咗幾張相。再行吓行吓又食嘢。今次都係再食燒肉,係平價嗰d,同埋想食吓牛。最後都係豬好味d,但係一路食真係流汗,冇冷氣咁!真係地道風味!
唯一用韓文寫既Starbuck
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
累積瀏覽 211359
全部攻略 323
全部回應 5