首爾之旅第三日 - 天國的階梯

第三日係星期六，細佬唔駛返學，佢到咗酒店話出面拍緊電視劇甜蜜人生，應該係嗰女主角係明洞行街。我哋睇咗一陣。跟住就去一間雞店，食......人參燉雞姐！成間店得三款雞食，不過都好味！
食 完我哋就行去南山搭纜車。架纜車好似昂平嗰d，一架坐幾十人，但只係得兩架車一上一落。而路程又勁近，好快就上到山。呢日好大霧所嘢望唔清。去到搭附近仲 有event攪緊鬼咁多人，我哋就去咗睇吓間餐廳，同埋平台。因為魔女幼熙係呢度拍。跟住仲入埋去Teddy bear 店添！出嚟時，見到表演居然係Wonder Girl，仲唱佢哋隻新歌So Hot添！

睇完我哋就上搭頂，望出去真係唔掂，好蒙！連63 Tower 都望唔到。所以我哋行咗一圏就走啦！去完落番山就去南大門市場，唸住去買紫菜。睇見真係好似北河街真係唔想行。而啲紫菜又冇勁辣嗰款，超失望！
去 完我哋就搭車去三成既COEX MALL，大就幾大，不過又係唔啱買。係度食咗food court 既石頭鍋飯。再行咗一陣就走。跟住就去樂天世界，因為五點後會平d。去到都五點半鬼咁多人。但係睇吓睇吓，原來7點入仲平，我哋又唔係真係玩，只係睇吓天 國的階梯幅壁畫。所以係嗰商場食少少嘢，同埋行咗一陣。跟住七點買飛入。原來10000won仲可以任玩添！不過全場都係人，玩咩都要排餐死。想玩新嗰個 遊戲，點知要排成90分鐘。所以我哋都係好隨便玩咗3個無聊遊戲。跟住影下木馬咁就走啦！