探險家攻略 > 城中探秘 / 旅遊 / 美食之旅 > 特色景點 / 長線旅遊 / 餐廳 > 首爾之旅第二日 - 咖啡王子一號店

首爾之旅第二日 - 咖啡王子一號店

由 vi老篤日記於 2008-07-01 11:36:57 發表 | 累積瀏覽 520

分類：長線旅遊餐廳特色景點；地區：其他

今日一早因為細佬要上堂所以上晝自由活動，不過起身出門都成十一點，我哋係明洞搵咗間有圖及寫英文既地方食嘢，叫咗一個雞肉野菜，以為好似香港咁煮咗一碟攞嚟，點知都係開火係你面前煮，仲可以即刻走蔥，d蔥多到嚇死我！煮完雞肉再落飯及菜，當然仲有辣醬，又係超好味！兩個人都係70蚊！

食完就搭地鐵去光化門，因為要行清溪川。雖然唔知啲水係人工or天然，不過條川真係幾靚，係鬧市又條咁既川都好舒服。行咗三份一就冇行啦，望吓地圖唸住行返二號線既地鐵站啦，行兩、三個街口就到，點知原來係我哋入閘嗰站，咁近架！搭地鐵仲要轉嚟轉去攪咗幾耐！跟住我哋就繼續行，又去咗另一個地鐵站，d站真係超近不過可能唔同線(好似旺角、太子、奧運+旺角東咁，好近但未必同線，要轉去都唔知去到邊個站轉先去到，行會方便d)。

呢個叫市廰，有個首爾廣場，有人係度集會。行過d有個大漢門。

跟住我哋再行去到南大門，不過門就見唔到，因為燒咗，所以而家只係圍板維修緊。時間差唔到我哋又行返市廰，搭地鐵站去弘大會我細佬。

去弘大係因為要去咖啡王子一號店，係幾無聊吓！去到真係同套劇差唔多，同埋都好多日本人，一定同我一樣睇咗劇。d咖啡超貴要7000won，成50幾蚊杯，都係嗰句慕名而來，扺啦！

飲完咖啡就去咗Four Season House，呢度係放咗4季電視劇既相片，同copy 一d場景，eg夏日香氣間屋。但係呢度應該要俾錢入，入完去就俾人話啦！而其他藍色生死戀嗰d就睇唔到 lu！

去完之後，跟住就搭車落去狎鷗亭。嗰感覺都幾似去咗東京青山，不過當然買唔到衫啦！

跟住係度食咗五層燒肉。然後搭車去63 Tower。

63 Tower 得63層但仍然係首爾最高，睇吓夜景都好。當然佢亦係My Girl(即係大話妹)拍攝場地啦！係呢度望出去都好靚，最靚係條車龍。

去完呢度都好攰，不過我同細佬就仲有節目，就係去唱k，我要去唱日文歌啊！呢度d日文歌好新架！可以唱到Prisoner of Love！不過環境超舊啊！

呢副畫好靚，係有晒首爾d景點，如63Tower、南山塔，但最靚係行近d睇原來係一副副相砌成。

男女主角簽名

門口都係一樣，不過好似俾套戲細咁。

弘大學校大樓幾型啊！

呢度係狎鷗亭，曾經係浪費滿屋出現過，宋慧喬係度等阿rain嚟！

無意中又見到天國的階梯出現既咖啡店

感謝 vi老篤日記提供以上資料

vi老篤日記的個人網誌: http://vivi-1212.blogspot.hk/