0

首爾之旅第一日 - 冬日戀曲

vi老篤日記 於 2008-07-01 11:38:22 發表  |  累積瀏覽 634

分類:長線旅遊 餐廳 特色景點 ;地區:其他
零晨搭飛機應該好好瞓先係,點知今次破例瞓唔著,好在預備咗好多劇集睇,總算可以消磨吓時間。除咗瞓唔到,另一特別就係今次d飛機餐,平時d飛機餐實在太 難食,我好少會食。但今次居然係雜錦飯,仲要自己落飯落芝麻油同埋辣椒醬去攪。整完之後超好食,所以食晒成個飯添!五點幾落機去到酒店都係七點鐘左右。好 在酒店咁早都俾我哋check in,所以梳洗完仲可以瞓一陣,到咗九點幾細佬嚟先開始起行。睇完本首爾旅遊書既介紹,決定都係唔去大長金,改去冬日戀曲既南怡島。

去南怡島都好麻煩,要坐火車,去到清京里呢個火車站口,唸住搭11:35既火車,點知居然冇晒d坐位,但下一班又要等多成個幾鐘,所以唯有照坐。搭去要成個幾鐘,一上到車就搵吓企咩位好,好在都有個椅背牆位,可以企吓同坐地下,亦可能太攰咁都可以瞓著。


到咗加平站落車,呢度真係好鄉村吓。我哋仲要搭的士去碼頭,但係去到我哋要醫肚先,就食咗當地好出名既春川雞。

食完之後就俾8000won入去場。搭船去到嗰島,其實係咩都冇,不過因為套戲太出名,所以好多人都係慕名而來,到咁遠收咁貴都有人去,而去到亦只係睇嗰幾個場景。


經典場面兩傍樹、砌雪人。唯一冇做就係踏單車。哈哈!不過環境真係好靜,行步路都好似慢d咁。幾開心,影兩傍樹係冇人行架!有睇過部劇都幾值得去一次。

行完成個島(其實行晒成個島都係大約5公里),跟住又再撘返船同車去返火車站。今次好啦有位坐,一上車就瞓,瞓到落車。落咗車大約7點幾,7點都未天黑仲 好光架!我哋就去咗龍山。呢度都算近,幾嗰地鐵站就到。旅遊書形容呢度係深水埗,因為有幾個腦場,不過我都冇行,因為唔識睇啲字去嚟都冇用。於是我哋行咗 百貨公司,跟住就去食辣豬骨煲。

嗰豬骨煲超好味啊!仲有薯仔添,我就再叫咗米酒飲,因為阿四咪好like飲,試吓係咩味先。都ok啦!食埋呢餐就返酒店lor。 







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:其他
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209432

全部攻略 323

全部回應 5