今日係我睇既第二場,連續去睇兩日真係有d飛花癲,不過仍然都係覺得好好睇。今日嗰位其實好側係死角,以為好差,點知好過噚日個正中位。因為陳慧琳有成日 行過嚟呢個死角,再加上呢個死角唔知點解無security,而我又坐係路口位,係好零零捨捨一張椅,所以成日都可以行出去。當然我今日係要準備握手,一 聽到星夢情真個心就預備,到音樂完,見其他幾面都有人行出去準備我當然就行咗啦。但係我哋呢段d人好靜,再加上我嗰look唔係咁癲要握手,我企咗係第一 行好耐先有人行出嚟,攪到我都有d唔好意思。企得咁前當然好順利可以影到相同埋握手。係嗰一刻心情勁興奮。
跟住一路睇同噚日一樣,但係都咗水世界嗰part,居然有嘉賓出現,真係冇唸過。係李克勤出嚟,同佢唱愛一個人。但係當時Kelly對鞋有成4吋,攪到李克勤好矮添。
(噚日影唔到既毛毛角帽,今日都可以影到。)
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
累積瀏覽 210477
全部攻略 323
全部回應 5