一個月前約定既行程無風無浪今日終於可以成行。今日天氣好好，唔曬又唔係好熱。我哋去到西貢市集就搭的士入去西灣亭，估唔到搭的士都要成4個字先到。都幾耐，仲要係行埋水庫d單程路。到咗西灣亭就係我哋今日既起點。
一
開始行已經望到萬宜水庫，但嗰水庫好似好乾吓。行咗幾個字應該到西灣沙灘附近，但未去到海灘，我哋首先去咗士多食嘢先，因為大家都好肚餓。食完嘢之後，我
哋好快就行咗去西灣沙灘。西灣沙灘唔係咁靚好多垃圾，我哋一路沿著沙灘行，但中間有一排石將沙灘分成左右，我哋行過d石後，到沙灘盡頭，就開始準備再上
山，繼續行我哋既麥理浩徑。
![]()
上完山又路山，就會見到一個好靚既海灣，呢度原來係鹹田灣。
![]()
鹹田灣就唔同，無咩垃圾，你睇吓嗰海幾藍、d沙亦幼細d。行完沙灘再要過一條獨木橋，繼續向山路出發。但係我唔記得咗影相，因為我只係行完企係度笑人唔記得舉機影相添。
過
完獨木橋，會經過一埋屋，有d有人住、有d荒廢咗。過完呢埋屋咁就一路一路行，好似冇咩特別嘢，所以我都唔記得有d咩，只係知去到一個分叉路，一邊指向黃
石碼頭，而另一邊就去北潭凹，去北潭凹係半個鐘，去黃石碼頭要一個鐘，但係我哋最後都係向上行，行去北潭凹。行咗無耐就聽到巴士同埋車聲，果然好快出返去
條路到wor。出到去有地圖，完咗麥理浩二段，再望遠處既地圖，原來係嗰度開始係第三段，行到去馬鞍山，留番下次試啦！
係
呢段中間路等車等咗好耐先有巴士到，仲要係全車滿既雙層巴士，幾辛苦入到，但係係呢半個鐘既車程，係消耗體力最嚴重既地方，丁字腳企，又要用力扶實，不停
都係彎路，仲要大家好似勁多汗味勁難頂，包括自己，好辛苦既車程，令到自己勁頭痛，估唔到最後係因為咁要拍虊。落車之後就去咗食海鮮，今日行程好豐富。亦
因為太攰所以瞓得好好。
感謝 vi老篤日記 提供以上資料
vi老篤日記的個人網誌: http://vivi-1212.blogspot.hk/
