東涌至大澳

噚日見天氣好好，又唔曬，又唔係好熱，所以即刻約人今日去行山。行上次因為打風而行唔到既東涌至大澳之旅。我哋由東涌出發，首先去到東涌由逸東邨出發，經 過侯王宫，跟住沿海岸線一路行。同行昂平棧道一樣，都不離見到機場既景色，今日應該俾行上山更近咁望機場，但係今日都超大霧，望嘢都唔係好清晰。一開始係 見到貨機同貨運大樓。

 

再行過d先可以見到客運大樓同埋飛機起飛。

一路行有再寫話行去沙螺灣&碼頭。我阿媽呢期成日都話要搭船去沙螺灣，點知一路行，過咗都唔知，有堆人煙及屋既地方就係，而個碼頭就要再行去海邊睇。噢！咁就過咗都唔知添。

大約行咗個半鐘至兩個鐘既時間，我哋見到有車、有士多既地方。原來呢度叫深屈灣。由呢度開始就見到有指示牌寫住去大澳啦！不過都唔係近架，我哋好似繞過大嶼山既另一邊而去到大澳，當然都係沿海岸線啦！
睇吓嗰海岸線，而望出去就係一望無際既海洋。

再行過d就見到遠處有一排屋，係我哋既終點站大澳。見到終點都會行得快d。雖然望向海邊就真係一望無際既海，但係山嗰邊就滿目瘡痍，好似受到山火既摧殘咁。

大澳已經越嚟越近啦，你睇吓望得幾清楚。

 

過埋呢個小山坡我哋就見到排屋啦，跟住就入咗大澳市集內。當然最想做既就係食嘢啦！全程我哋行咗3個半鐘左右，但係唔算好難行，只係有幾次上斜落斜既機會，再加上今日唔係烈日高空，又冇話落雨，真係好正！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/