探險家攻略  >  運動  >  行山  >  昂平棧道
0

昂平棧道

vi老篤日記 於 2008-04-08 12:03:53 發表  |  累積瀏覽 554

分類:行山 ;地區:大嶼山,東涌

之前搭昂平360已經話要用腳行一次,噚日星期日終於可以做到啦。我哋由東涌搭車入昂平先,問咗自然中心啲人話有路可以由心經簡林嗰邊入去,所以我哋就行 咗去心經簡林先。但係出嚟發覺有幾條路,睇地圖又唔係好肯定係邊條,最後揀咗條樹林徑。哦!真係見到東山法門,呢個名好似有提到,而且啲牌仲有寫去東涌, 咁我哋就一路行啦。但係行咗4個字至半個鐘左右,發覺離昂平纜車越來越遠,仲有嗰牌寫住落去東涌添,好唔對路,所以我哋折返。去返東山法門牌坊嗰到先,見 到一條路去彌勒山,一條路行去昂平360同巴士站,雖然知道行去巴士站嗰條唔係我想去既路,但係行去彌勒山如果錯就真係唔知再有冇力氣行返去東涌。所以算 啦,行返去昂平360行就最安全。首先未出到巴士站都可以遠望心經簡林都幾靚wor。


由昂平纜車條路入真係清楚易見好多‧

 

一路沿呢條石路行,仲有d石樓梯都幾驚sin腳。行行吓望返轉頭,大佛已經變得好細,而一架架昂平纜車就係我哋頭頂上過,有好多乘客同我哋揮手添!向前望仲有好大段路wor。


去到第一個纜車塔一定要影張相啦!之前見人影得好靚好宏偉。纜車再一次係頭頂過,好在冇跌落嚟姐。

過咗嗰搭之後,再向前繼續行,又另一個塔,但係呢度已經可以遠望到機場,不過噚日都係大霧睇得唔係好清楚。呢度有一條好斜既石樓梯,一路行都好驚,呢度真係會sin 死。

再一路行,應該係全條路最險要既地方,因為有指示牌寫前面有陗壁之類既說話,果然有一條好斜既木樓睇等緊我哋。影相真係影唔到佢既險要,要親身行先知。

繼續行原來都係望住嗰機場,見到飛機起飛lor!果然好密,兩分鐘一班。

除咗左邊有機場外,見到右邊都望到東涌啦!好似好近咁,原來仲有一條山路。

過完呢條直山路,見到纜車塔,好嘢開始係落山啦!估唔到落極都未完,落山都覺得咁長,唔怪得知一路行d人,上氣唔接下氣咁啦!亦都証明由東涌入果然辛苦好多,唔怪得知要成4粒鐘啦!但係佢寫由昂平到東涌要3粒鐘,但係我哋都係用咗2粒鐘就完成咗啦!

後記:呢條路最辛苦之處係冇嘢遮,所以要帶定足夠水源,唔係真係會中暑。我條勁都曬到紅晒,估唔到去泰國都冇事,行山就"奶"嘢。







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








鐘意SeeWide的分享,給我們一個Like吧!
  • 攻略日期:N/A
    攻略地點:大嶼山,東涌
  • 攻略時間:N/A
    是次消費:N/A
0人比"掂"

最多能輸入300字

累積瀏覽 209384

全部攻略 323

全部回應 5